經歷詳述:
星期六睇完，係腸胃炎，攞左病假紙得1日假都唔緊要，返正我都唔洗返工，只係以備不時之需，點知返去發燒越發越勁，星期日下午先退燒，星期一見頭暈手軟腳軟就請多日假休息，等老公收工再陪我去睇多次，順便攞當日的病假紙，點知就比醫生鬧。

“我星期六比左1日你架啦喎，你而家仲想要多1日呀？我唔比得你架喎，你咁樣點掂呀！你而家又冇發燒我點比你呀（佢冇探熱）！（我答我朝早起身見暈）你仲要咁夜先妮睇(晚上7點半）！我唔寫時間咋，如果要寫時間我點同你公司交代呀，你仲要用BUPA咭睇…你唔好搵我咁樣玩得賈，你咁樣搵我妮搞架啫…（下刪一百字）“

總之就講到係我利用佢呃病假咁樣！我老老實實係病左，而醫生都清楚同我講係會食唔到野，咁佢有冇諗過1個人三日冇乜點食野，係會冇力同諗唔到野呢，咁樣狀態點返工呢，如果我做高危工作出意外邊個負責呢！

雖然佢最後都有寫返當日的病假比我，但我認為這個醫生冇乜同理心，在人病榻下仲要不問因由就指責病人，有遺醫者仁心的淪理！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧