想知是否患有焦慮症

病患者女 - 35歲

3月頭半夜突然手腳發痳似無血到咁醒左，後來斷斷續續一時痳一時又無痳，一時只有腳掌痳，有時膝蓋痳，半個月後開始多了周身似有針吉的感覺，似針吉一下或幾下，幾秒就消失，初時4肢，後來頸、面、頭皮，都開始出現呢種感覺，有時針吉感覺覺得痛，有時覺得痕會抓，但睇皮膚表面係無事，後來再覺得周身肌肉刺痛，有時酸痛，一時呢度一時個度。政府抽血，姑娘打黎話缺鐵性貧血，叫我提早見醫生，但血都有11.4，鐵好似得5，唔知有無記錯，明天先見到醫生，另外見過政府腦科，佢話我呢d感覺異常叫我觀察下先，佢只同我做簡測檢查，用一d聯衣服既針針下我d手腳睇下感覺。我想知呢d會唔會係焦慮症既徵狀呢？因為由四肢痳開始我就好擔心身體有咩事，每日都好焦慮，但又唔知因為呢d徵狀出現引起我焦慮，還是係焦慮引起徵狀？我需唔需要再去睇腦神經科做下神經傳導測試、肌電圖檢查呢？還是缺鐵都會引起呢d問題？謝謝醫生解答🙏🏻