臀肌又緊又痛

病患者男 - 23歲

求救，已痛左成個月，長期卧床，好痛苦
希望有人可以幫到小弟，萬分感謝。

痛點：
左邊臀部左上方肌肉（不到腰位置）和左邊盤骨位外側肌肉又硬又痛，有時會牽涉到臀部大腿連接位都痛。
咳嗽都會引致痛。

眼觀：
左邊臀部明顯比右邊臀部扁平，站立時要盤骨要左高右低先無咁痛。

起因：
是咁的，5月31號果日小弟放假，大概8點左右起身用電腦打機，座椅係普通電腦椅。小弟當時係身體傾左咁坐。大概到10點幾左右，左邊盤骨位忽然有幾陣痛楚，感覺似係受左電擊咁樣既痛，初時無咩留意，點知一企起身就開始劇痛了。

尋醫過程：
小弟睇過兩次急症，一次跌打同兩次中醫。急症有幫我照X光，話我骨無事，小腿大腿又唔痛，唔似係坐骨神經痛 ，所以只係幫我打止痛針同開消炎止痛藥俾我。服藥後痛感減少但依然行動不便。
睇跌打個師傅問兩問就話我係座骨神經痛，幫我啪完後再上藥，但無好轉。
睇中醫話我係筋骨問題，針左兩次針灸同按壓（用手踭壓痛點），次次睇完感覺臀部的確鬆左同無咁痛，但過幾日又好似復發番咁。

現時情況：
長期訓係梳化，行走要用拐杖先可減輕痛楚，坐低時左邊盆骨肌肉超緊，同感覺到舊肌肉硬塊，壓到會有酸痛感，唯有訓低時先減輕到痛楚。但有時訓訓下又會痛，訓時左腳要向外微轉，先無咁痛，同埋轉唔到向內側。要食必利痛減輕痛楚。臀肌時痛時唔痛，時鬆時緊。


想問下係邊到出問題呢？萬分感謝