專科分類目錄

葉維晉醫生答問

葉維晉醫生(男)
Dr. Yip Wai Chun
泌尿外科
值得推介 : 28

會員#34779 jim
感染糞腸球菌後問題
病患者男 - 41歲

你好，醫生,

我上年七月感染過糞腸球菌尿道炎，尿道口不適，食過抗生素(fosfomycin)後無不適就無再返驗。但到九月頭再有想同感覺再加睪丸有啲痛。

但做過驗尿種菌無事，再照睪丸超聲波都無事。
但係尿道口不適持續，所以自己去驗細菌DNA，證實又係糞腸球菌。

之後睇專科做前列腺超聲波+精液種菌都係正常，佢解釋菌量少種菌未必驗到，醫生開levofloxacin十日，十月底食完，食完隔兩星期十一月中再驗細菌DNA+種菌都證實無菌，但感覺持續有尿道口覺得灼熱，睪丸都有灼熱。

再睇醫生佢話係post-UTI症狀，佢話都可能影響到睪丸，其間我自己再去驗其他病毒細菌（包括性病）全部都正常，有驗腎，膀胱，PSA，加再炎前列腺都係全部正常。醫生都有話post-UTI多飲水，我都有照做，都飲好多。

醫生都有開過啲泌尿科止痛藥好似無乜效。

因為到而家都已經有3個月，都係有尿道口+睪丸灼熱，通常係坐下感覺大啲，但係我無頻尿，尿急或者小便不順問題，我小便正常，但係就係咁一味有呢啲感覺，個感覺一日內可以變化好大，有時無乜有時辛苦啲。所以想問：

1.隔咗咁耐都仲係post-UTI反應？post-UTI可以維持咁耐？
2.菌量少都可以影響咁耐？
3.因為我無割包皮，但係我可以正常反起清潔，我需要因為咁而去割嗎？因為醫生有提議。
4.定係我係慢性前列腺炎需要繼續食抗生素？

多謝解答
葉維晉醫生回覆
您好，從病情看來可能是慢性前列腺炎。慢性前列腺炎的病人常有生殖器上的不適感。而小便和精液的細菌培養都是陰性的。病人可能會有排尿不適感，但不是一定的。病情可能會維持數個月。這個情況與包皮沒關係。

建議找泌尿科醫生作詳細檢查。可能需要服用一段較長的抗生素再加上服用非類周醇消炎止痛葯。

葉維晉醫生

會員#34775 HO WAH
膀肛過動症
病患者男 - 72歲

葉維晉醫生：您好！我是72歲老人，患有膀肛過動症的(2018年已做過前列腺手術)，2022年開始，我便做了人型瀨尿蝦，尤其是要大便或是因為大便未清，在五分鐘內未能放水就會忍無可忍尿濕內褲，約個多小時後又再次急尿，直至經兩至三次大便後，便可以忍尿約兩小時！日間就算沒有便意時覺得急尿，都要在五分鐘內馬上放水的，我是在QEH泌尿科覆診的(一年一次)，最初是處方TERAZOSIN 2mg(只在晚上食一粒)，因沒有療效，覆診後改藥 OXYBUTYNIN 5mg(早/晚各半粒)，2024年又改為自費藥 MIRABEGRON 50mg(早上食一粒)，但仍然是沒有改善我的病狀！
尿頻和尿失禁只在日間才會出現，在晚上服食一粒TERAZOSIN 2mg是不會出現此情况的，而且只有1或2次小便。
葉維晉醫生：如果我日間也食一粒TERAZOSIN 2mg可以嗎？因為TERAZOSIN會引致血壓低，我怕會影響我在日間的外出活動，懇請閣下賜示！我現在每晚只服食一粒TERAZOSIN 2mg沒有其他疾病需要長期食藥的。
葉維晉醫生回覆
您好，從情看來應該是前列腺增生引致尿道阻塞繼而有膀胱過度活躍。服用 Terazosin只會放鬆前列腺改善排尿，不會治理尿頻及尿急的症狀

治療膀胱過度活躍是要服用 oxybutynin 或 Mirabegon. 如果服葯後效果不佳可以考慮加上服用 Vesicare 10mg, 每日一次。

葉維晉醫生

會員#24905 Unknown
慢性前列腺炎
病患者男 - 25歲

早幾年開始有症狀下腹至大約前列腺深入位置容易射精後有不適痛楚尿頻尿流細/慢甚至會失眠影響腸胃如腹瀉等過去有情緒問題睇過醫生醫生都話應該係有關係開過一啲alpha blocker類藥物俾我但好似都冇乜用亦都照過超聲波同驗精話有發炎症狀而家都係keep住附近啲位置時不時冇啦啦隱痛唔舒服有盡量清淡飲食同時不時做運動網上睇到都有講係慢性骨盆疼痛有類似症狀同嘗試拉筋想知可以點樣徹底根治呢個問題對性影響比較大感到困擾
葉維晉醫生回覆
您好，從病情的描述可能是慢性前列腺炎的非細菌性類別，另也稱為慢性骨盆疼痛。有這問題的病人會有生殖器或附近組織的不適感，下尿路症狀及性功我障礙

慢性骨盆疼痛是用口服藥物醫治的。藥物包括alpha神經阻斷劑，非類固醇止痛消炎藥等等。病人需要服用一段較長時間的療程。

葉維晉醫生

會員#20550 Abcchan
包皮白點
病患者男 - 32歲

醫生你好，因包皮出現白點，故昨天前往醫生處檢查，被告知白點應該是腺體，到今天後，觀察感覺有點泛紅，白點沒改變，偶爾刺痛。

會是疱疹或是其他細菌所導致的炎性反應嗎？
是否需要再找你作檢查更好
葉維晉醫生回覆
您好，從所描述的情況，那些小白點應該是福代斯班點，即是皮脂腺，很常見的陰莖及包皮的情況，是良性，可以不用處理的。

葉維晉醫生

會員# PeterW
感染51/54/55
病患者男 - 34歲

醫生你好，最近檢查發現有HPV51/54/55，又有高危又有低危。有幾個問題。

1.上網話大部分人一兩年就會靠抵抗力可以自行痊癒，我想問男性感染高危HPV，我應該去邊度做詳細檢查去確保無病變？
2. 上完又見到超過9成出現生殖器疣都係6/11型，請問一下抵抗力好壞會唔會令D疣出唔到黎
3. 會唔會有可能病毒清除前都唔會有疣？
4. 我好擔心，好驚。上網話HPV好常見，請問如果無疣，我其實係咪無需要太擔心？（我會12個月後再做檢查）
葉維晉醫生回覆
您好，HPV 病毒大部份都會在感染後被身體免疫系统清除的，大约在一年的時間內。男性有病變的機會不大，不用擔心。
你沒有感染HPV6和11,所以不會有性病疣出現。

葉維晉醫生

醫務信箱
致葉維晉醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

葉維晉醫生答問

醫務信箱