專科分類目錄

方子明醫生答問

方子明醫生(男)
Dr. Fong Chi Ming
骨科
值得推介 : 59

會員#17665 Kelvin
骨刺(頸)
病患者男 - 54歲

頸後有骨刺,不時會頭痛頭暈,食飯低頭時會唔舒服,訓覺時會手痺,請問應該點處理?
方子明醫生回覆
你好，
頸部退化而引起的症狀包括頸痛，上肢麻痺，無力，若加上有骨刺和頸椎椎間盤突出，便可能會做成頸椎病(cervical myelopathy), 除了以上所講的病症外，病人還可能會有雙手笨拙的情況出現，下肢亦可能會出現相似症狀，從而影響行路, 建議可以找骨科醫生作詳細檢查。

骨科方子明醫生

會員# 橙
應該睇邊科？
醫生你好！
有個問題已經纏繞咗一年半有多，睇左好多醫生都搵唔到病因，好辛苦好困擾日常生活！請醫生幫幫手，資料如下：
男性，32歲
病徵1）行路嘅時候個人好似企唔穩咁，每行一步都沉一沉，感覺就好似踩棉花，或者係落船搖下搖下嘅感覺，有時好似有人推我咁，會想跌，但旁人睇我行路覺得我完全冇問題，行得好正常，唔覺得我似會跌。情況一年半有多，每天如是。（最主要係呢個病徵好影響日常生活）
病徵2）左邊後腦至頸部常覺不舒服，似有野壓住後尾枕。
病徵3）左耳常塞，搭𨋢去到十樓左右就會塞左。
病徵4）後腰條骨有一節按下時會痛，有時彎腰都會痛。
.
以下係我睇過的專科：
1）一開始睇椎醫，照x ray 指脊椎有少少彎曲，及頸椎較直。但唔算大問題。
2）然後睇耳鼻喉科，冇問題，唔係耳水不平衝。照鼻，耳，頸甲狀線，全部正常。
3）之後睇腦神經科，照頭部mri，驗血。腦一切正常，驗血報告指白血球數較偏低，但腦科醫生話唔係大問題。
4）一段時間後，情況仍然一樣，再睇一次腦神經科，再照腦mri，驗血，肝腎功能，甲狀線，全部正常。
5）轉睇精神科，醫生話係焦慮症，食左三四個月血清素加其他輔助藥如減慢心跳，但清況一樣，完全冇改善，精神仲比之前更差，影響工作。
.
最近覺得情況又差咗，行路浮沉感愈來愈嚴重（但重申一次旁人睇我係冇問題），最近亦常頭痛頭暈，好想知道自己究竟咩事，要睇咩科先可以幫到我？
大約6個月前照過腦，一切正常，使唔使再照一次？
定係要睇頸/腰？行路浮沉關唔關頸腰事？咁要睇咩科？
定係其他身體問題？
請如果有醫生解答到，請幫下我！！
謝謝！
方子明醫生回覆
你好，
據你所說頭頸及腦的MRI已經做了但找不到原因，耳鼻喉科和精神科醫生亦都看過、血也驗了都找不到問題所在，你的問題可能不是單一原因引至或單一專科可以醫治，我考慮找一位相熟的家庭科醫生作詳細診斷及需要時專科轉介

會員#17629 kei chun
手指彎曲
病患者男 - 19歲

不知道是不是天生，手指握拳時，手指（食指，無名指，尾指）都向手心向內彎曲。是否是天生骨頭生長錯誤，還是後天用筆手勢不正確之類等等導致。但是雙手都有這個情況，因為我是一名樂手的原因，所以很困惑。想盡早根治。
方子明醫生回覆
你好Kei Chun,
據你的描述，因左右兩隻手都有問題，先天性而引起的原因較為大，這可以是骨骼發展不正常，或者關節成形不好，一些罕見的疾病也有可能，但因你已經19歲，真是先天出現的問題你應該早些年已經發覺，所以確實診斷還需要臨床檢查及適當的造影如x光等等，我考慮找骨科醫生提供一些意見。

方子明骨科專科醫生

會員# Kelly
落樓梯跌傷腰部
病患者女 - 48歲

本人三個月前落樓梯跌傷腰部不是好嚴重些少痛但己三個月仍有痛應該点?
方子明醫生回覆
妳好Kelly,

腰傷背痛一般需要一段較為長的時間來康復，特別是如果本身已經有退化跡象的時候時間還要長一點，有需要時可能要輔已藥物來舒緩症狀，若病情持續可考慮找相熟的家庭科醫生或骨科醫生看看

骨科方子明醫生

會員#17563 kennus Chan
媽媽換膝頭蓋後情況咨詢
病患者女 - 68歲

本人媽媽2月10日在瑪加烈醫院換了左腳膝頭蓋。到今日膝頭蓋傷口是不痛的。但她說雙腳大脾位痛。真的不想走動。有此狀況是否正常呢？
換了膝頭蓋不應該是走路自如？

謝謝回覆！
方子明醫生回覆
你好, Kennus

我估計你說的是膝關節置換術，這手術多數應用於晚期退化性關節炎而保守治療不理想時的另一選擇，一般病人痛症都會有舒緩的效果，但也不一定百分百得到改善，例如病者本身的髖關節或者另外一邊的膝關節也同時有退化的跡象時，都會影響到康復的進度，建議你覆診時可以向骨科醫生提出你媽媽的情況好讓他們詳細檢查或有需要時照x光。

骨科方子明醫生

醫務信箱
致方子明醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

方子明醫生答問

醫務信箱