專科分類目錄

劉潔玲醫生答問

會員#29954 Fai sunny
長期失眠
病患者男 - 45歲

我一直都有食啲安眠藥幫助睡覺，都有成十年有多，因為一開始返輪班工作，出現時差，同早上經常瞓唔到，引致身體出現頭暈頭痛。故此從那事就開始有食安眠藥習慣。直至到今年我覺得如唔食一日都好似好辛苦，全晚瞓唔到，晚上就好驚瞓唔到。好驚晚上要瞓，但成晚最终無瞓，所以返工好辛苦，又暈又嘔，加上一聽到有其他人講嘢好大聲就會比較易發奴及成日胃痛。好辛苦，醫生我有無咩病？

Thanks
SUNNY Fai
劉潔玲醫生回覆
Sunny 你好，
失眠是非常常見的症狀。我們診症時，最重要是找出失眠的原因，另外評估會否有伴隨的情緒問題，因為很多失眠與焦慮有關。服用安眠藥可能暫時改善睡眠，但很多人會對安眠藥有耐藥性，亦會造成成癮，一沒有藥就會非常焦慮不安，變相更加瞓唔到，造成惡性循環。建議你盡快找尋精神科醫生作全面的評估，要知道失眠是可以治療的。

劉醫生上

會員#29467 Sally fung
整天浮浮下集中不到精神
病患者女 - 14歲

一返學上課便頭暈，整天浮浮下集中不到精神。也影響未能参加運動訓練，已持續多月，應如何處理。
劉潔玲醫生回覆
請問你的症狀是否上學才有? 放假就沒有? 如果是這樣, 似乎是身心症狀。當壓力超乎我們的承受能力，可以影響身體內分泌系統或令交感神經過份活躍，從而引致種種的身體不適。要對症下藥，先要作出一個詳細的精神評估，找出壓力的來源，並商討針對性的處理方案。

會員#28204 cy
控制唔到自己嘅情緒
病患者女 - 17歲

中一至中三嗰陣時情緒稳定，幾乎唔會發脾氣，就算唔開心都唔會講出嚟，但係自從有一次同好朋友鬧交爆發出嚟，之後就控制唔到自己的情緒，每次都會因一啲小事同人哋鬧交，成個人十分暴躁沖動，收唔住自己嘅情緒，但事後就覺得好後悔，容易感到焦慮，还有一些社交和未来嘅煩惱，唔知睇唔睇醫生。
劉潔玲醫生回覆
Cy你好，其實情緒本身沒有分好與壞，它的出現本身是有生存之道。例如有人打你，你會有憤怒和恐懼的感覺，然後心跳和呼吸加快，好讓你的肌肉有足夠的氧氣去反抗或逃跑。這個情緒是正常的，具有適應和功能性。但如果你一直去隱藏或者壓抑這個原始情緒，它沒有出口，它可能就會一直縈縈繞繞，不時出現下，在一些無關痛癢的情況出現，別人看就會覺得反應過大。處理方法就是要進入和理解這些情緒的背後，分辨和經驗出最原始和根本的情緒，讓最初的情緒有一個出口和疏導。既然你已察覺情緒的問題困擾著你，就不妨找專業人士去談一談，希望以上的資訊能夠幫到你。

劉醫生上

會員#27299 Tian Li
我係咪有病？
病患者女 - 18歲

你好，最近我嘅情緒好似出現左問題，其實好耐之前都發生，但最近幾個禮拜好似嚴重左，我會冇啦啦好驚，但唔知點解係自然嗰種，感覺好唔舒服，個人好唔開心會係咁喊，d眼淚好自然咁流落嚟，個人好驚有時身體係咁震，完全唔想食野陣係想自己一個，我覺得好無助，覺得自己好冇用，我陣係好驚，好驚身邊朋友唔理我，我唔敢同任何人講，我想問我係咪有病？我唔知可以點做。
劉潔玲醫生回覆
你好tian Li, 根據您的描述, 你很大機會患上了情緒病。其實每個人都有一個情緒自我調節機制，但當這個自我調節機制出現問題，就會常常被某種情緒困擾，例如持續情緒低落或焦慮，並出現生理（例如睡眠障礙, 胃口轉變 ,經常覺得疲倦), 心理症狀 (例如常常覺得自己冇用, 對很多事情都有負面的看法）, 加上你唔敢同人講，這個負面情緒沒有渠道宣洩，會令情況更加嚴重，你現在需要快些找尋專業人士去作出全面的評估並決定適合你的治療方案。通過適當的治療，情緒病是可以完全康復的。

祝你早日康復！劉醫生上

會員#25884 Hope
家人思覺失調
病患者女 - 38歲

你好。家姐情況係不願意沖涼和去洗手間，因為佢覺得有人係度監控佢。同時都唔飲，唔食等佢自己可以唔使去洗手間。已經檢查晒屋企，監控嗰方面應該唔存在。之前有搵過一個醫生，但係佢話如果佢唔願意自己黎都冇辦法。家姐性格一向都比較有主見，我哋建議佢睇醫生及家人因為擔心佢而喊，佢都認為只係我哋覺得佢有問題。請問有咩方法可以幫我到我哋？
劉潔玲醫生回覆
你好Hope，謝謝你的查詢。
家姐的情況實在令人擔心，雖然文字上沒有提及有自殘的行為，但唔飲唔食唔沖涼自理疏忽等情況對自身健康也會構成威脅的。不肯就醫是思覺失調的病人常見的問題，反映她的病識感甚差。這個情況看來很大機會需要入院治療才能處理，事實上醫院管理局有外展精神科服務，並與各社區設置的精神健康社區綜合中心有緊密聯繫，詳情你可以向中心的社工查詢。如果家姐有自殘，暴力或身體有不適等危急情況，建議還是報警把家姐送去急症室作進一步的治療。

祝家姐早日康復!

劉醫生上