專科分類目錄

譚雋熹醫生答問

譚雋熹醫生(男)
Dr. Tam Chun Hay
腎病科 / 內科
值得推介 : 6

會員#21435 Sandy
尿道炎
病患者女 - 38歲

尿道炎差不多一年了。第一次驗小便驗到克雷伯氏菌，對口服抗生素抗藥性，入醫院打咗十支抗生素，但尿道依然有熱、痛嘅感覺，再驗咗兩次小便顯示無菌，醫生話無菌就無藥可以開比我食，最近再驗小便發現有鏈球菌同大腸桿菌，食咗14日抗生素都無效，之後轉咗另一隻抗生素都無效，我要求再驗小便，化驗結果顯示無菌，醫生就話無菌唔需要再食藥。點解我驗唔到有菌，但仍然有唔舒服嘅感覺，我有腰痛肋骨痛，會唔會係腎盂腎炎呢？腎盂腎炎係咪一定會發燒呢？
譚雋熹醫生回覆
你好！
我是腎科專科醫生。經常尿道炎需要考慮有否泌尿系統結構性問題，例如腎石，尿倒流等，也不能排除腎盂腎炎

會員#16148 armi
尿潛血
病患者女 - 34歲

尿隱血由兩個月前12升至22，照超聲波無發現，有機會是癌症嗎？可以再做什麼檢查？
譚雋熹醫生回覆
你好! 我是腎科專科醫生
尿隱血的成因包括癌症, 腎石及腎炎等, 一般來說需要做掃瞄檢查, 同時要驗尿蛋白及一些相關的尿液檢查。
歡迎預約診症

會員#17443 OIMEILI
尿道炎唔好
病患者女 - 42歲

請問各位醫生, 本人女42, 於9月底時做過普通體檢得出尿液白血球過高, 於10月底第一次感覺下腹痛及去完洗手間又覺得急咁, 於時去看醫生, 驗小便無菌, 開了5天抗生素及一粒去完廁所尿液會變橙色的藥, 食完好少少

到11月7日半夜時份, 下腹痛醒, 剛啱經期來以為經痛, 食了兩粒經痛丸又好少少, 因為要出差所以沒時間看醫生, 回港後立即看另一醫生, 驗小便無菌,又開了5天抗生素及一粒去完廁所尿液會變橙色的藥, 食完又好少少

到11月24日晚, 下腹又唔舒服了, 又係急完又痾, 痾完又急咁, 再去睇另一醫生, 我同醫生講食咗10日抗生素又返發, 但驗過無菌, 可以點做, 醫生同我做快速測試, 結果白血球到500, 肯定發炎, 開了1日抗生素及橙尿丸食3日, 今日已第3 日了, 好似又唔多好過, 應該咩事同可以睇咩醫生, 謝謝各位!
譚雋熹醫生回覆
你好! 持續了兩個月的懷疑尿道感染, 需要排除較嚴重的菌, 或其他尿道問題, 請聯絡腎科醫生進一步檢查

會員#20555 Bilyw
小便有油，困擾多年
病患者女 - 27歲

呢個問題都煩擾左我好多年，初初都不為意，每年都做身體檢查，報告一切正常，包括肝腎膀肛都正常，問過幾個醫生都答唔出仲r曬頭話沒咩可能。
今年仲去埋睇泌尿專科醫生，專科都解釋唔到叫我入院check ct掃描膀肛鏡等照清照楚，報告都係正常，我真係好想知點解？

呢幾年我坐唔安訓唔落，好似沒一個確實既原因，唔係我執著只因為我好擔心日後會影響身體。
我好肯定d浮油係來自食物，總知有油既就會柯反出黎，如果沒食就唔會，經我上網不斷搵個案，發現有部分人都係咁，而且大多數都係肥胖人士，而我自己亦都是。除了會從小便柯出黎亦沒其他異樣小便清晰顏色正常，但會有薄的層浮油，暫時醫學都好小探討呢個問題。

另外有都有外國醫療團隊有略略出過一編報道，主要是4大原因脫水、酮體、乳糜、攝取過多維他命D,首3個類別我排除因爲有做身體檢查抽血等，而攝取過量維他命d我又認為不是，因如果是維他命尿色會好黃，而且不會是食完幾個鐘頭就柯到。

真的很苦腦好影響精神狀態，小小油都唔敢食，好大壓力所以希望各位醫生能夠幫幫我。
謝謝
譚雋熹醫生回覆
你好! 明白問題對你很困擾。情況不常見，但非並無案例，以前我也見過一兩個病人有類似情況。
必須看過檢查報告及問診後，才可給負責任的意見。

會員#20359 Janny Tam
小便問題
病患者女 - 49歲

經常小便後有赤痛感覺像似未便完此問題持續已有幾個月，時好時差，有睇過醫生食藥，但並沒有作檢驗，食藥時就會好一些，平時習慣也常飲水，請問應向那方向檢驗呢？
譚雋熹醫生回覆
你好!症狀似是尿道炎，可先作尿細菌培植檢查，如果經常發作可能要進一步檢查膀胱等

醫務信箱
致譚雋熹醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

譚雋熹醫生答問

醫務信箱