專科分類目錄

姚嘉樺醫生答問

姚嘉樺醫生(女)
Dr. YIU KA WAH,ALICE
婦產科
值得推介 : 13

會員#21412 Kyinwong
宮外孕
病患者女 - 29歲

醫生你好
4月頭發現宮外孕 5週
係卵巢則
醫生話己小產緊所以冇做任手術
想問係我輸卵管有問題嗎？點解會去左巢則邊
姚嘉樺醫生回覆
Kyinwong, 你知道患上了宮外孕一定很擔心！

輸卵管係精子同埋卵子結合嘅地方，佢嘅功用係將受精卵送返去子宮內著床。

醫生見到宮外孕在卵巢側邊，即是指受精卵在輸卵管內著床。不幸之中的大幸是你的宮外孕沒有繼續發育，所以不用手術處理。

曾經接受輸卵管手術或曾經有盆腔炎病史，都會有機會引致輸卵管部份阻塞，容易發生宮外孕。

你今次情況，我建議你要監察懷孕荷爾蒙情況至正常水平。

另外當你再有懷孕的時候要盡早找婦產科醫生檢查。

祝你早日康復！

會員#21333 Coby
非經期出血及有肉塊
病患者女 - 41歲

你好，本人41歲未婚未有性經驗，平時經期準時及正常，曾做超聲波，幾年前有子宮肌瘤已做手術割除。昨天有非經期出血，但時間短（但不是一兩滴的分量），今日下午又有，如小便後擦拭會令血流出，及有肉塊，其他沒有不適，請問有哪些可能呢？謝謝
姚嘉樺醫生回覆
你好 coby

我擔心係子宮內膜病變,

我建議你盡快找婦產科專科醫生跟進.

道恩醫務中心

會員#21327 fish
係咪有機會懷孕？
病患者女 - 30歲

今個月月經明顯量十分少，係咪有機會懷孕？
11-1月底時有發生行為也有足安全措施，幾日後有黎月經，量都正常，上月開始感覺月經好像比平時少了一點，但今個月明顯地少大約只有兩天，曾經懷疑是否有左，驗孕棒顯示沒懷孕。
請問係假性月經還是其他問題？
姚嘉樺醫生回覆
你好Fish，

月經量少原因有多種，例如：

1.節食過度，微元素不足，
2.情緒起伏，壓力緊張
3.子宮內膜感染引起病變或刮宮手術後導致子宮內膜受損
4.雌激素分泌異常，導致每個週期，子宮內膜增厚達不到正常厚度，導致月經量少
5.多囊卵巢症
6.另外，陰道一直有少量可能不是經血，可能是先兆流產的症狀
但閣下已驗孕排除此可能性，應該從其他方向找尋病因。我建議閣下向專科醫生諮詢，進行身體檢查，相應的荷爾蒙和影像測驗，找出病因。

道恩醫務中心

會員#16959 amypo
更年期
病患者女 - 48歲

想問更年期冇黎月經3年，仲要唔要做安全措施，仲有想問用有藥性子宮環，係每月都唔會有經血，萬一有左都唔知
姚嘉樺醫生回覆
你好Amypo

你提及你今年48歲，無月經三年，很大可能是更年期。如果你同時間有其他更年期症狀,例如潮熱，就很符合你已經閉經的情況。

如果已經閉經有懷孕的機會率會很低,可以考慮不用避孕。

另外你問到關於藥性子宮環，我不清楚閣下是否使用者。有20%的使用者在帶上後一年會無經血，這是它的藥性發揮使子宮內膜變薄。

如果在上次來經後6星期還沒有再度來經，而使用者期間有進行性行為的話，就要排除懷孕可能性。

而藥性子宮環使用者100人中少於一位在一年內懷孕。

希望以上嘅資訊能夠幫到你作出適合的被人選擇。

會員#18286 Man
肛門痕癢
病患者女 - 22歲

每晚大概半夜既時候，肛門就會好痕會不自覺搔癢, 當搔癢既時候會有皮屑而且痕既時間只係晚上, 我都有睇過醫生, 但就冇解釋係咩事, 只係開左洗洗肛門的清潔劑, 但都係冇效‧因為都持續了一段時間. 本身都有念珠菌會吾會因為係念珠菌既原因導致？想知道應該睇咩專科醫生？謝謝..
姚嘉樺醫生回覆
Hello Man,

肛門痕癢情況應該很困擾你了，我不淸楚你之前的醫生有否幫你檢查會陰，和陰道，這可能有助你檢查是否念珠菌。

一般情況肛門痕癢分原發性和繼發性。原發性是沒有病因。

而繼發性可能同一些潛在的病因有關例如寄生蟲或念珠菌感染，接觸性皮膚炎，系統性疾病例如糖尿，腸胃問題:炎症性腸病，痔瘡等。

我建議你盡快找專科醫生跟進。

上一頁下一頁

醫務信箱
致姚嘉樺醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見