專科分類目錄

汪嘉佑醫生答問

汪嘉佑醫生(男)
Dr. Raymond Ka Yau Wong
精神科
值得推介 : 14

會員#30740 Ruby
情緒問題
病患者女 - 30歲

我依嫁早晚都食1粒血清素。我想問下我想食一d益生菌或維他命既野。例如:對腸道健康既同埋有修身既維他命丸或對皮膚好既維他命丸究竟食吾食得呢？我想買果隻維他命牌子是Teddi lab和Proven. 謝謝解答🙏🏻🙏🏻
汪嘉佑醫生回覆
你好:

如果你面對的情緒問題包括焦慮，同時有不少腸胃癥狀，甚至被診斷出腸易激綜合症，益生菌將是個好選擇，切記選擇有研究數據支持的產品，並持續服用超過三個月。

祝安好

汪醫生

會員#27851 Na
懷疑自律神經失調
病患者男 - 33歲

我細佬從事文職，平時收工放假亦愛打機，從早幾年前開始時常頭暈，有時話暈到天旋地轉，企都企唔穩，十分影響日常生活，出街去啲空曠嘅地方或高嘅地方又會驚，但去戲院啲狹窄嘅地方睇戲又話呼吸困難，後來去診所就診後，醫生俾啲血清素藥後有好轉，都唔怕出街啦，但間唔中依然會頭暈

睇過好多醫生，都話佢無事，放鬆心情做多啲運動就會好啦，但結果頭暈問題依家冇改善，而且有時暈起上嚟都做唔到運動，請問咁嘅情況應該睇咩科？係自律神經失調、驚恐症或是其他病？除睇醫生外，平時有咩要注意？頭暈時要點舒緩？謝謝
汪嘉佑醫生回覆
你好，

多謝你的提問。

以上提供的資料，很難判斷頭暈的原因。不過我盡量分析一下。

細佬的頭暈徵狀如果同焦慮情況相關，可能是身心反應。但如果與長期服用血清素藥相關，有可能是低鈉情況，不過並不常見。耳水不平衡及耳石移位亦可能引致長期頭暈。至於自律神經失調，通常是病的下游衍生的問題。總之，長期的暈眩徵狀值得做腦部影像測試排除腦部結構性問題，值得與他的醫生相量一下。

籠統地說，現階段應該紀錄低頭暈的時間及每次頭暈時前後的活動、身體感覺同情緒。醫生便可以分析成因。

希望這些資料幫到你。

祝安好。

會員#30678 Percy
焦慮症藥物冇效
病患者女 - 23歲

本身因為焦慮症，同埋要presentation 個陣有啲社交焦慮。
醫生本身開過SERTRALINE TABLET 50MG 2粒/日
NALION 0.5MG presentation 前食，但係食完冇效，presentation 個陣都係全身震晒咁。
之後轉左AKAMON 3MG/1粒+ PROPRANOLOL HCL 10MG/1粒，係presentation個陣食，但係試食過一次，係台下聽人present，就算食完都係心跳快過平時，同埋緊張，驚下次到我嘅時候都係會震晒咁，想問仲可唔可以加大劑量？
汪嘉佑醫生回覆
Percy 你好：

多謝你嘅提問。Sertraline 最高劑量是每天200mg，你可以同你的醫生討論。另外，如果你選擇血清素藥的話，對於社交焦慮，有更強效的選擇。不過，Sertraline對女士懷孕及餵哺母乳，是比較安全的。

除咗短效鎮靜劑之外，亦可以考慮加上心理治療，學習一些應對社交的方法，增加自己的信心，改變令焦慮揮之不去的壞習慣，從而減少擔憂。

希望幫到你。祝安好。

汪醫生

會員#30560 Joyc T
緊張,心悸
病患者女 - 45歲

你好,每次坐飛機時,都會好驚,抖唔到氣,心跳快,,坐立不安,肌肉繃緊,甚至想嘔,驚自己會死,睇左醫生話驚恐症,醫生開了Alprazolam 0.25mg 比我及Propranolol 10mg 給我需要時先服用,請問這二款藥都適合食嗎?
汪嘉佑醫生回覆
你好，

似乎你在航班上出現驚恐發作（又名突發性驚恐，panic attack）。Alprazolam係短效鎮靜劑，propranolol可減慢心跳從而令你焦慮感減少。若你的醫生沒發現服用呢兩種藥的衝突情況，它們是適合用來短暫控制驚恐發作的。

服藥前請徵詢你醫生的意見。

汪醫生

會員#30477 Ms. Fok
偏頭痛
病患者女 - 49歲

請教各位醫生，本人自2019年尾時經常頭暈，一日有幾次，頭暈時的感覺好似地震，有時幾秒，經期前後都有頭暈頭痛，自去年2023年10月中了Covid之後，我發覺2024年1月起頭暈頭痛情況嚴重，由每星期1-2次增加至現在2024年2月幾乎日日都有，頭痛前會感覺喉嚨好緊、頭暈、有時腳軟，晚上失眠又頭痛，但早上又精神，好似個腦唔識停，已做全身身體檢查、甲狀腺、耳鼻喉科、照腦部MRI全部正常，最近檢了女性Hormone：LH 29.7 IU/L, FSH 65 IU/L，Prolactin 4 ug/L, Estradiol 94 pmol/L，我之前試過抗抑鬱焦慮藥作預防偏頭痛但忍受唔到副作用所以停了。

我的頭痛失眠是否受更年期影響？請問我應該睇什麼科醫生呢？
汪嘉佑醫生回覆
Ms Fok你好，

多謝你嘅提問。

頭痛會受經期同更年期影響。而且長期頭痛，對睡眠及情緒都會有重要影響。近年亦發現偏頭痛與不同的情緒病有共同的病理，其中一個情況好轉，另一情況都會同步好轉。

頭痛病人一般會先向家庭醫生求診。簡單的止痛藥沒有預期好的效果，會轉介至腦神經內科醫生作進一步的檢查及治療。若出現情緒方面的併發症或失眠，可向精神科醫生求診。

希望這些簡單資料可以幫到你。

汪醫生

醫務信箱
致汪嘉佑醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

汪嘉佑醫生答問

醫務信箱