專科分類目錄

陳穎鈞醫生答問

陳穎鈞醫生(男)
Dr. CHAN WING KWAN
耳鼻喉科
值得推介 : 39

會員#26735 Teresa To
流鼻血
病患者女 - 40歲

家姐兩年前做過鼻的內窺鏡檢查，鼻骨有啲歪左，最近突然左則流鼻血，止左，捽鼻又會流，每次流30秒-1分鐘，想問下咩情況不明會咁？
陳穎鈞醫生回覆
Teresa 你好，

流鼻血的原因很多，鼻中隔偏曲，引致局部粘膜上的微絲血管變得明顯或脆弱，是其中常見的原因。

診斷檢查後，排除其他病變，可以進行鼻內黏膜焊烙手術，解決經常流鼻血問題。

希望你早日康復，身體健康

耳鼻喉專科陳穎鈞醫生

會員#24386 yan
耳有血泡
病患者女 - 75歲

我媽媽耳仔塞咗有d痛同迴音而且又暈又嘔
睇完醫生話有兩粒血泡開了耳仔藥水和藥物
請問以上症狀是否耳仔影響？何時回復正常
因為吃藥仍有点暈和耳塞？血泡可否刺穿？
陳穎鈞醫生回覆
Yan 你好, 多謝你的提問

血泡於外耳道, 還是耳膜上, 是不同的情況, 但無論是哪一種, 刺穿血泡, 都不會對病情有正面幫助

除耳朵痛楚外, 若還有聽力減退, 頭暈及嘔吐, 那便需要接受純音聽力檢查 (Pure Tone Audiogram) 以確定問題只是在外耳, 還是連內耳耳蝸或神經線也受到影響.

若病情持續, 應向耳鼻喉專科醫生求診

祝早日康復, 身體健康

耳鼻喉專科陳穎鈞醫生

會員# Ng
舌頭偏後側邊生了粒少少透明的粒粒
病患者男 - 27歲

舌頭偏後側邊生了粒少少透明的粒粒,會唔會有機會中左hpv/舌癌
陳穎鈞醫生回覆
Ng 您好, 多謝你的提問,

舌頭上表面有許多向外突出的結構, 稱之為舌頭乳突 ( Tongue papillae ).

這些乳突有不同的類型和形狀, 分為絲狀乳突 ( filiform papillae ), 蕈狀乳突 ( fungiform papillae ), 輪狀乳突 ( circumvallate papillae ) 及葉狀乳突 ( foliate papillae )

其中, 葉狀乳突 ( foliate papillae )位於舌頭根之兩側緣，由數道凹陷之平行溝槽所成之皺摺狀乳突

所以要檢查清楚, 才能知道你所指的是舌頭正常結構, 還是有不正常病變

你可以向耳鼻喉專科醫生求診, 謝謝!

耳鼻喉專科陳穎鈞醫生

會員#30911 wing
純粹鼻炎?
病患者女 - 40歲

事源於我大概一個月多前（14/5）被傳染，跟住開始發燒去到38.6度，睇咗第一次私家醫生（17/5）未好返。跟住睇第二次私家醫生（20/5），食咗兩日藥之後開始眼睛發紅同埋敏感，眼睛有啲黃綠色黏液黏住咁。之後去咗排急症室（23/5）俾醫生照咗X光當時顯示肺部冇感染，前前後後做咗六合一快測三次都冇感染，最後醫生開咗啲敏感藥、滴眼、噴鼻藥俾我。之後都未好返睇咗第四次醫生（29/5，因為我本身對塵蟎敏感，有懷疑過會唔會係呢個原因引致連環效應）睇過敏免疫科，醫生懷疑我係鼻竇炎開咗五日藥同洗鼻水好咗少少但未好返。

到22/6我去咗睇耳鼻喉科。照咗第一次鼻鏡，顯示我左邊鼻有閉塞，導致眼水倒流，喉嚨好似卡住卡住咁。醫生話呢種係感冒後嘅鼻炎，唔係鼻竇炎唔需要做手術。

我當時嘅症狀大概係喉嚨好似發炎咁嘅感覺，唔似感冒但耐唔耐有幾聲咳，佢係好似喉嚨有少少嘢卡住卡住又發炎咁嘅感覺。跟住晚上瞓瞓吓覺會無啦啦流眼水然後醒咗，同埋眼睛一時時會覺得得痕，眼睛唔算腫。鼻又好似塞塞地。另外，唔知係咪之前咳得太多，我覺得左邊胸圍鋼絲位嗰個地方，有時郁吓會有少少扯住痛，呢個情況已持續兩星期直至現在，都入過急症室照過X光，冇顯示肋骨有斷裂或其他問題，有開到消炎藥俾我。

一星期後（28/6），去咗睇第二次耳鼻喉科。我有將上面嘅症狀再次提出，當時亦有做過第二次鼻鏡，當時醫生回答我指顯示鼻炎有改善開始有通道口，但不能確認有沒有感冒症狀。

而我依家目前嘅情況具體來說：

喉嚨：具體沒太大改變，仍處於一個「感覺裡面有點發炎的症狀」，裡面好似有啲痰卡住的感覺。

眼：第一日有好一點，之後又開始有流眼水。每晚都係會瞓着咗之後，左右兩邊眼會再留一次眼水。平均每天都總會有啲時間係癢癢的。

左邊鼻：有好一點，感覺有時塞塞地。會持續用洗鼻水。

左邊胸（胸圍鋼線位）深呼吸到底時/有時躺下轉身的時候，會有感覺一點點痛。平時呼吸沒大問題。有冇可能係之前咳得太厲害牽扯到嗰個位置覺得疼痛呢？但係呢個情況已持續兩星期，食咗消炎丸有好一啲，但係我唔確定具體係咩原因引致呢個情況。

醫生我想請教一下，而家咁嘅情況其實係咩原因呢？係純粹真係鼻炎引致喉嚨感覺發炎定有可能其他原因?因為已經一段時間了。
唔好意思唔該晒。
陳穎鈞醫生回覆
Wing 您好, 多謝你的提問,

對於你近乎兩個月嘅不適, 我可以理解你的不安和擔心

一般上呼吸感染後, 有數星期不適, 是很常見的情況.

但若你還是受到數樣病徵影響，我建議你還是再找醫生診症及檢查比較理想。只是從你所提及的病徵，是無法知道確切的情況或問題。

祝你早日康復，身體健康

耳鼻喉專科陳穎鈞醫生

會員#30862 LYY
口臭
病患者女 - 26歲

醫生你好，我由幾年前開始就有口臭問題，口臭維持全日，我有定期洗牙，牙醫睇過冇口腔問題。臭味主要係舌頭度，刷完牙冇耐又開始有，食完飯清潔完口腔都仲係會臭，做過幽門螺旋菌測試係陰性，請問我可以點做同睇咩科嘅醫生。
陳穎鈞醫生回覆
LYY 您好，多謝你的提問

口臭問題，根據臨床研究及統計，有八成半至九成，都是由於口腔問題引起。常見原因包括口腔不衛生，牙周病，脷苔，殘餘食物，假牙問題，及咽喉問題（如咽喉炎症，扁桃腺問題如結石及扁桃腺炎等）。

注意口腔衛生，使用牙線，擦除脷苔，保持口腔濕潤（多飲水），避免煙酒咖啡及進食濃烈辛辣食物，會有幫助。

當然，亦可向耳鼻喉專科醫生求診，作詳細檢查。

耳鼻喉專科陳穎鈞醫生

醫務信箱
致陳穎鈞醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

陳穎鈞醫生答問

醫務信箱