專科分類目錄

李卓漢醫生答問

李卓漢醫生(男)
Dr. Lee Cheuk Hon
兒科
值得推介 : 10

會員#39523 John Doe
RSV疫苗
請問初生嬰兒接種Beyfortus RSV疫苗安全嗎?
李卓漢醫生回覆
若果根據研究數據這隻RSV球蛋白是安全的，因為已經通過研究數據顯示。但要清楚明白這隻不是預防性的疫苗，它是一種免疫球蛋白給你短暫性的保護，不是刺激你自身免疫系統產生抗體，所以時間是有限，而且需要每一年打，每次要連續接種幾個月，所以通常都是留給早產嬰或肺部比較差的嬰幼兒，而且價錢也相對高昂。不若留待足夠數據支持現在已經生產了的RSV疫苗在小童應用，現在的RSV疫苗只有大人數據，需要等待。

會員#15295 陳生
兒童手指甲有凹凸不平
病患者女 - 6歲

小朋友左手邊食指4歲半開始食指變得好似咬手指咁凹凸不平，但我哋發覺小朋友無咬手指，2年生出來指甲都係咁，只有食指係咁，其他手指都無問題
李卓漢醫生回覆
多數都是左手食指指甲本身成長的問題，不關其他營養不良，因為只是影響一隻指甲。沒有特別可以做，繼續觀察。

會員#22883 katie
流感疫苗
病患者女 - 7歲

小朋友有輕微扁桃腺發炎，精神食慾都非常好，但體溫偏高，日間徘徊37.3-37.5，能否打流感疫苗？
李卓漢醫生回覆
通常有發燒，或在病的初期，我們都會延遲打流感針

會員#34919 Match990520
發燒搵唔到原因
病患者男 - 13歲

本人女女今年13歲，8月中曾返大陸嘅貓cafe同貓有過接觸，幾日後女女發現左邊頸淋巴有腫，到29定30號晚開始發燒，好似大概38.x度！初時以為佢冷親有比退燒藥佢食！但佢又無冷親病徵！反覆燒左3日到公立醫院求診，就話佢白血球低，感染嘅指數高，但留院3日，除左第一日有微燒之外，都搵唔到咩原因，醫生見佢白血球有回升，就比佢出院，兩個星期後再要抽血睇白血球同其他指數有無正常番，如是者，抽過2-3次，白血球都有回升到正常水平，但eosinophil 就高，上星期四30/10晚女女又無啦啦發燒，又入去公立醫院，又係搵唔到原因，燒又係反覆，請問各位醫生，我仲可以點樣幫女女搵發燒原因？又或者女女其實係乜病！感謝醫生解答🙏🏿
李卓漢醫生回覆
請耐心在公立醫院讓醫生繼續檢查和診症，因為她已經在哪裏有多次抽血的報告，跟進會方便一些。若果貿貿然去其他地方又要再從頭檢驗，重複相同嘅事情，費事失事，未必幫到！所以要耐心等候，有時有些病症真的需要反覆檢驗，公立醫院嘅檢驗質素和種類一定比較私家醫院多。

會員# yudy chan
小朋友突然之間有氣管敏感
病患者女 - 7歲

醫生你好
我小朋友在今年年初病完後就不停咳嗽，
經常話有痰係喉嚨中間，之後會發燒然後醫生會話佢支氣管炎有問題，因我經常在小朋友訓咗時都會聽到佢肺係有聲。

如事者醫生會開抗生素比佢食，食藥期間都可以有改善咳嗽，完藥後一星期又開始咳多咗又會話有痰係喉嚨中間咳唔到出來。

之後就會好似無限♾️甘開始咳多痰多
肺部有聲之後就會發燒🤒️ 又睇醫生話氣管敏感或支氣炎又再食抗生素…..
但情況就係不停甘循環….好影響小朋友生活…

我平時一發現佢咳多咗連日頭都咳多咗
我會係佢肺部前後用耳仔👂🏻去聽
係好明顯有聲但我哋都有睇醫生都醫生話好清，係無…..

但過多一星期發燒再睇醫生🩺 再會係支氣管炎肺炎又俾抗生素

有醫生話佢係鼻水倒流
有醫生話佢係哮喘

鼻-我已搵專科醫生睇無發現異樣
哮喘 - 其實小朋友之前係無依樣野
如果想知佢係唔係依種病要點check
醫生有開喘樂寧用，話氣管收窄用，我在佢肺有聲時會俾佢用按4 下
請問此藥有冇依賴性？神令小朋友以後都要用？

我明白太長篇🙏🏻🙏🏻但我已心身疲累
這一年我帶小朋友搵睇咗好多醫生

小朋友長時間咳夜晚更多
真係希望可以幫到佢🙏🏻🙏🏻🙏🏻

Ventolin
李卓漢醫生回覆
很明顯他有氣管敏感的問題，間中有發燒不出奇，因為氣管常常有痰會養了一些菌。喘樂寧不是治療氣管敏感的，它只會放鬆氣管幾小時，然後情況持續！所以他需要用一些氣管敏感專用的噴霧，請帶他去看兒科醫生吧！

醫務信箱
致李卓漢醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

李卓漢醫生答問

醫務信箱