專科分類目錄

黎錫滔醫生答問

黎錫滔醫生(男)
Dr. Lai Sik To
腸胃肝臟科
值得推介 : 3

會員#13090 yipyip
百解續問，好驚慌
謝謝回覆，首先我講述我既過去，8年前因頭痛進急症室兩次，連續兩次都話我心跳快，在急症室抽過血睇甲狀線話冇事，然後一次因頭痛睇街症，說我心跳快轉到威爾斯睇內科，而睇內科期間身體之驗身完全無事，但就血壓高同心跳快，要吃血壓心跳藥，但我當時處境係唔好，我有頭痛、肌肉痛、流汗、失眠、焦慮等等問題，之後轉到精神科，在精神科睇左幾年，而食藥有三種：血清素、止痛藥、安眠藥！至兩年前話我改善了再把我轉到綜合家庭科睇，都係食血清素、安眠藥，現在比8年前好很多了，就最近的覆診中因心跳快叫我驗多一次血睇甲狀線，然而我在過去的這半年裡因為上癮了可待因咳水，它能減輕痛楚另我難於脫離，當停止就出現極之辛苦的吊癮症如流眼鼻水、發冷發熱、周身肌肉痛、肚痾和無力感！正正今次要抽血我怕驗出可待因，所以停止咳水四天後先去抽血，並在第三天晚從友人介紹的旺角一間藥房買了百解茶(藥房自制開定一樽樽放雪箱度)，我買了一杯份量(店員話轉比驗尿既人飲)，飲完後我痾水痾到七彩，第二朝就去了抽血啦！然後早兩日覆診，話肝腎有d問題，同蛋固醇150，醫生問我近期有無食過咩藥或中藥？我答佢有，就前一日飲過中藥百解茶，佢話可能中藥影響！然後依家等兩個月覆診，甘我依家好驚，依家聽完更焦慮。
黎錫滔醫生回覆
對不起，yipyip訪客的問題已經脫離腸胃肝臟科的範疇，恕不能回答。最後的忠告是，訪客既是精神科舊症，適宜返回精神科覆診及求助。

會員#13090 yipyip
中藥會否則影響抽血後的肝腎指數
我因有情緒病要係政府睇專科，
要在長期服安眠藥及血清素
現在想請問，我食完中藥(百解茶)後的一天就去了政府抽血，
由於主要驗甲狀線因焦慮症(心跳快),
那中藥百解茶會影響血液化驗的結果嗎？(百解茶；這藥飲完後會瘋狂地肚瀉六七次起碼，瀉到個人脫水排毒)

因為報告話我肝腎指數有點問題，其他無野
醫生問我有無服開藥如中藥，我答有，佢話可能d中藥，又按過我肚同身，我話無痛
現在下次複診要56天後同要抽多次血，(太耐吧)

還有補充的是我近來因可待因咳藥水上癮，因焦慮症的身體痛所以當咳藥止痛
當抽血前的三天我自行停止喝咳藥水，
這藥水引發吊癮症狀，發冷、無力、抗舊、心跳快、出汗、肚痾等
，加上怕驗到可待因，於是第三天我買了百解茶飲(fd話可以解毒)，然後痾左七次水，甘就第四天去左抽血，
想問關不關這種百解茶引至肝腎指數有問題？
這個叫中藥(百解茶)的藥，是一種藥房自制的藥，我感覺係瀉藥多d，會讓人痾到像脫水般

食完果百解藥痾到脫水(一次係便五次係痾水)，加上停止咳藥後戒斷症的生理，在甘個環境下抽血是會影響肝腎指數？同埋點解排甘耐先復診成兩個月
黎錫滔醫生回覆
Yipyip 訪客的問題比較混亂。中藥百解茶的成份也不明。只可以說脫水可能使腎功能指數變差，但肝功能指數則多數沒有影響。不過百解茶的中藥成份會否影響肝腎指數，則不得而知。覆診時間長短，醫生自會因應病情作出決定。

黎錫滔醫生

會員#13049 Mac
肚痛了半年困擾
本人較早前有提問過相關問題，盼醫生跟進建議！我肚痛已持续半年近两個月更每日都痛，甚至一日痛幾次！已睇婦科，醫生話只是肌瘤不至於令我噤痛。亦睇了腸胃科做了腸鏡亦冇問题，醫生開了止腸痛和神經痛药，但食咗都係噤痛！我肚上有一條以前開刀的疤痕醫生話有可能黏連結嘅，但冇再比任何建議及檢查！因為痛到入了急症，亦只檢查婦科但冇問题叫我出院！但根本每日還在痛，請問我還可以怎樣做呢？
黎錫滔醫生回覆
Mac 訪客的長期肚痛，可能和開刀後的瘢痕引起之腸臟粘連有關。建議往見專科醫生，可能須要做腹部電腦素描及甚至做手術以裂解腸連結。

黎錫滔醫生

會員#13062 劉佩思
腸胃炎
幾年前去睇醫生話有盲腸炎但係我無理到個係呢幾年好似嚴重左一痛胃又跟住痛痛到想嘔但又嘔唔出有幾次暈係街度暈個陣有時好似感到抽搐每次暈自己都唔知好似冇知覺咁每次耳仔都聽唔到野暈之前耳水不平行隻耳仔好似好軟咁成身冇力心口又會覺得好熱呼吸困難好似透唔到氣咁有時痛個陣痛一陣就好翻有時會痛成日依家仲要好似冇胃口食野咁一食就好似有小小想嘔咁加上我本身有貧血唔知有冇關係同埋咁樣算唔算嚴重？
黎錫滔醫生回覆
多謝訪客劉佩思提問。妳的病情可能是胃痛引起，須要照胃鏡作檢查。此外頭暈和作嘔可以是耳水不平衡所致，不過如胃有問題，如胃潰瘍及胃炎等，病人也可以嘔吐，應該找腸胃肝臟科及耳鼻喉科專科醫生診治。

黎錫滔醫生

會員#13049 Mac
肚痛了半年
醫生，你好！我已持续肚痛了半年，起初一两個月睇医生，醫生都話腸胃炎，但現在每日都肚痛，一痛就幾個鐘，在肚脐以下的腹部，有點似絞肚痛但冇屙，有時亦會不定位置抽着痛，夜晚睡着會痛醒，睇了婦科照咗超聲波及细胞化驗沒有問题！請問是什麽原因呢！
黎錫滔醫生回覆
多謝訪客Mac 提問。如果肚痛了半年，病因有很多，須要看看是否是腸炎丶腫瘤丶食物敏感丶腸易激綜合症等等，應該找腸胃肝臟科專科醫生求診。檢查㑹包括驗血丶直腸內窺鏡或電腦素描等，治療則因病因而定。

醫務信箱
致黎錫滔醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

黎錫滔醫生答問

醫務信箱