-
蕭鳳兒醫生(女)
Dr. Siu Fung Yee,Christina
皮膚及性病科 - 值得推介 : 24
- 旺角雅蘭中心辦公樓一期18樓1830室(MTR E1 出口)
- Tel: 23385511
- 收費:專科門診
$900起藥費另計 - 專業資格:
香港大學內外全科醫學士
英國皇家內科醫學院院士
香港內科醫學院院士
香港醫學專科學院院士(內科)
英國格拉斯哥皇家醫學院老人醫學文憑
香港大學感染及傳染病學深造文憑
卡的夫大學實用皮膚科文憑
香港中文大學家庭醫學碩士 - 診症時間:
星期一︰1000-1900
星期二︰1000-1900
星期三︰1000-1900
星期四︰1000-1400
星期五︰1000-1900
星期六︰1000-1700 - 服務範圍:
皮膚專科診症及治療
皮膚敏感測試
果酸嫩膚
冷凍手術
激光手術皮膚專科診症及治療 - 診所以外提供的服務:
- 使用醫院或其他服務診所:
- 其他資料:
本診所 只接受 cash/visa/master/銀聯 付款。
(eps/ae 暫不接受)
蕭鳳兒醫生(女)- 尋醫報告
Shirley
#36290- 2/1/2023 7:16:15 PM
- *** 值得推介 ***
- 診症日期:2022年 12月--
- 求診目的: 皮膚疾病
- 診金收費: 800
- 輪侯時間: 需預約準時
- 光顧經驗: 本網評譽參考
- 專業態度:10 對症下藥:10 診金合理:10
- 經歷詳述:
蕭醫生準確診斷我爸爸脚皮膚病，拿了脚皮組織化驗，對証下藥，十分細心，有醫德，高度評價
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇 
Winnie Lee
#35755- 10/19/2022 11:42:08 PM
- *** 值得推介 ***
- 診症日期:2022年 10月15日
- 求診目的: 皮膚疾病 Dermatitis
- 診金收費: 1500
- 輪侯時間: 需預約等候片刻
- 光顧經驗: 恆常光顧經驗
- 專業態度:10 對症下藥:10 診金合理:10
- 經歷詳述:
第一次睇Dr.Siu係9月尾，而家呢次係第三次睇Dr.Siu。主要都係睇皮膚炎同埋睇個心口啲紅疹。
我比預約時間提早15分鐘去到診所，唔計早到時間都等左20分鐘先到我睇。Dr.Siu真係有料，咁多人睇。等候期間有個姑娘都主動問下我對手點樣同埋提我搽多啲潤膚膏！估唔到我第二次去呢間姑娘都認得我，睇嚟我都幾煩or病得幾犀利😓。
今次Dr.Siu都知道我趕時間走人，都快快準備定所有嘢。一嚟幫我檢查咗個心口先，都有問吓呢幾日情況係點。都有解釋點解會鮮紅色，同埋宜家變咗暗紅色又係咩原因。叫我宜家用緊嗰支ointment做後備，叫我用新開嘅藥膏先。
至於手嗰邊，紅就冇咗紅，不過都係好唔曬，病情唔穩定。建議我去驗血同做Patch Test。一係私家驗血，另外嘅option俾咗我2封轉介信我去政府專科同普通科去做檢查，因為私家做patch test太貴我afford唔到。所以私家個到淨係去咗化驗所驗血，patch test就排公立。
另外再開咗一種不含類固醇嘅藥膏俾我，希望我可以搣甩類固醇藥膏並唔好再依賴。同時教埋我點樣用。另外開咗隻睡意超強的嘅藥物給我食。覆診診金600，藥費另計，合共約2000。
同時再同Dr.Siu預約下一次覆診日期時間，Dr.Siu希望可以就我時間方便可以睇驗血報告嘅結果，我揀嗰日禮拜六滿曬，Dr.Siu仲特登提早應診時間俾個位我睇。雖然今次覆診我都趕時間，佢都有加快速度，不過都睇咗半個鐘。
配藥個方面，Dr.Siu本人親自同姑娘講點樣幫我配藥，藥嘅分量要點點點，再Final check先俾我拎走。雖然等得耐，但係都好放心！如果快反而我會覺得唔認真！而且姑娘都好細心講解啲藥要點樣用，好細心！而且話有唔明可以再打電話返嚟問！
大家有需要真係可以去睇Dr.Siu！真係好好又有料！
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇 - Winnie Lee
#35566 - 9/24/2022 11:12:15 PM
- *** 值得推介 ***
- 診症日期:2022年 9月21日
- 求診目的: 皮膚疾病 Dermatitis
- 診金收費: 1200
- 輪侯時間: 需預約準時
- 光顧經驗: 本網評譽參考
- 專業態度:10 對症下藥:10 診金合理:10
- 經歷詳述:
7月中的時候手開始出現痕嘅情況，慢慢惡化成又痕又紅又痛，皮膚變到凹凹凸凸同厚身嘅情況，於是去睇家庭醫生。
醫生話我知呢啲係主婦手，而我屬於較犀利嘅階段，並需要搽類固醇藥膏，同食藥。要洗少啲手、唔好沖咁熱嘅水。如是者搽完一個星期都冇好曬，再去睇多次。
醫生見完話有好轉，好唔曬。新開第2隻類固醇藥膏同開多2隻抗敏感藥俾我食，仲有枝潤膚膏叫我狂搽。結果同第一次一樣，再睇多次。
今次醫生都冇辦法，都係再開返第二次嘅藥膏，話都係咁嘅情況就要睇專科喇！跟住俾咗張卡片我，寫住Dr.Siu。之後搽完都係咁，決定睇專科。
我預約之前先係網上Search有關Dr.Siu嘅評價，見到唔少都係讚蕭醫生好、有耐心同有醫德嘅人。於是決定Book嚟睇，我打電話嗰時係9月9日，姑娘講如果要睇都要9月21日先有時間喎，冇得揀啦！照Book，姑娘會問一啲聯絡資料同睇咩病。
到睇醫生嗰日，我提早10分鐘到達醫務所。
姑娘態度都可以，而且可以準時朝早10:30入得睇Dr.Siu。
Dr.Siu一嚟就好Nice問係咪睇手啊？跟住都有問之前情況及相關病歷，甚至日常生活微小嘅事情都會問，睇吓係邊到發生問題，問到好細好深入。同埋我有相同帶之前家庭醫生開嘅藥俾Dr.Siu睇，佢都有解釋家庭醫生點解會開呢啲藥俾我用，好詳盡。
跟住話開藥膏搽同藥食，同時俾咗幾隻sample cream我，叫我試吓睇吓啱唔啱用再買。
再提我咩嘢唔好做，避免做or做少啲。目前階段做住咁多先。下次覆診再睇有冇好轉，冇就可能做埋血液測試睇過敏源。
整個過程用咗半個鐘左右，都算耐，
唔會快快手求其睇完就話走得等拎藥！
Dr.Siu好細心，好友善，都會耐心解答曬我問嘅所有問題！令我冇咁焦慮自己嘅情況！
價錢係專科嚟講叫合理，唔貴，比我想像中平。
診金800，藥費另計，今次埋單1270蚊
姑娘配藥都好快手，幾分鐘就搞定。
我聽姑娘整藥嘅時候Dr.Siu都有幫手睇住，
更加安心，十分滿意！
頭幾日用完藥有好轉，希望情況可以繼續穩定
大家都可以去試！
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 已視為本人的必然選擇 
Fai Chan
#33922- 1/5/2022 9:27:03 AM
- *** 值得推介 ***
- 診症日期:2021年 12月14日
- 求診目的: 皮膚疾病 墨的問題
- 診金收費: 800
- 輪侯時間: 需預約準時
- 光顧經驗: 朋友介紹推薦
- 專業態度:10 對症下藥:10 診金合理:10
- 經歷詳述:
終於有啲時間講下我嘅經歷。我身上面有粒墨，之前突然覺得痕，又好似形狀有啲唔同咗，所以經朋友介紹下去睇蕭醫生。入到去我講咗我擔心係黑色素瘤或者其他嚴重疾病，蕭醫生好好，佢好仔細咁幫我檢查，之後話應該冇事，佢見我都係擔心，佢好有耐性咁上網搵咗d相片比我睇，之後話再擔心可以割出嚟化驗，佢再寫埋手術名比我比保險agent 睇吓有冇包到。
另外佢見我有啲濕疹（我響政府睇開），佢係主動同我睇吓，再比d意見我要點處理。
成個過程都幾耐，蕭醫生好細心詳細解釋比我聽，等我冇咁擔心，佢亦都好nice 好有耐性慢慢聽我講嘢。
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇 - 李小姐
#33827 - 12/16/2021 11:29:15 AM
- *** 值得推介 ***
- 診症日期:2021年 12月2日
- 求診目的: 皮膚疾病 濕疹
- 診金收費: 800
- 輪侯時間: 需預約準時
- 光顧經驗: 本網評譽參考
- 專業態度:10 對症下藥:10 診金合理:10
- 經歷詳述:
蕭醫生非常細心專業，而且用藥精準。把困擾多時的皮膚濕疹完全治好了。
簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 值得向有需要人仕推介
Shirley
Winnie Lee
Fai Chan