由3月13咳到而家

病患者女 - 50-60歲

3月8左右既時候呀姨中左covid,佢本身氣管有問題,睇左公家同私家都寫左紙係唔打得既,點知3月8日左右好不幸中左,大概5日左右已經變番陰性,但由3月中好番到而家,不斷出入醫院,睇埋私家醫生,都冇辦法止到咳,

本來一開始第一次打999白車車入去果時照X光張片都冇花既,跟住醫生開左D退燒止咳,之後就變番陰性,但跟住就一路都向度咳,睇左3-4次唔同既私家,點都止唔到咳,咳到嘔白泡,野都食唔到,之後又叫左一次白車,今次照肺張片醫生話咳到肺花左,留左幾日院,食左抗生素,但抗生素一食就嘔,食一日嘔左30幾次以上,唔嘔既時候就咳,冇辦法食到野,最盡食兩匙白粥或者飯,跟住食完抗生素又嘔,

大概4月27既時候,又留左幾日醫院,因為公立排期照MRI話要排3年,即刻俾錢照左,話照到有陰影有D野,但又要排期,今日去左一間私家醫院睇專科,又話要照MRI,由3月中到而家X光+MRI照左3次以上,但點轉藥,點食抗生素都冇辦法可以止到咳,請問有冇醫生可以幫忙等姨姨止到咳訓到教食到野先?謝謝