耳仔及鼻敏感問題

病患者女 - 40歲

本人一向鼻聞感嚴重，返工9個鐘頭會用一卷廁紙抹鼻涕，大概2013年試過一次中耳炎，同埋近呢六七年耳仔成日聽唔到野，其實已經睇緊政府專科兩年，用咗醫生開嘅藥其實已經冇乜點流鼻水，半年前醫生幫我一邊耳仔安左條導管，等耳仔可以通返，同埋吸左耳仔嘅分泌（應該係鼻涕上咗耳）但醫生話吸唔晒，因為已經好似漿糊咁，最近呢兩個月導官自退返出嚟，但係仲係聽嘢唔清楚，同埋會有啲綠色同黃色嘅嘢喺耳仔裏面，非常痕，早幾日再去政府度複診，醫生一樣幫我吸耳仔嘅分泌，但係都係吸唔晒，同埋非常結，醫生話我可能永遠都會係咁，請問我仲有啲咩方法？有冇辦法可以清左耳仔啲鼻涕？或者我會唔會一個月去比醫生吸到一次耳仔會好啲
呢幾年政府開嘅藥物有avamys噴鼻,montelikast 10g同埋本身自己有哮喘用緊symbicort
希望得到各位醫生回覆，謝謝