好似喺夢入面生活

病患者女 - 21歲

醫生您好，18年嘅時候我讀緊中五，吾知係米因為學業上嘅壓力，身體愈黎愈攰，注意力同記憶力差左好多，做咩都提吾起勁，果時覺得自已係懶。去到就快升中六嘅暑假，有兩日玩得好開心之後，朋友探親全部都吾喺香港，而我同屋企人關係吾差但溝通都吾多。因為個人真係乜野都吾想做，整個暑假就日日喺間房到用手機睇下片。結果有日訓醒，我發現自已睇到嘅世界好吾真實，空間感好奇怪，果時好驚嚇到狂喊，我淨係同朋友講左冇同屋企人講，經濟狀況都吾好，以為個病會自已好翻。而事實係，到左今年，我每分每秒依然好似喺夢入面生活緊。呢幾年之間亦發生左吾少嘅事，個病真係令我好難去社交、工作同處理學業，我對自已將來冇曬希望，好無助。以前仲會反覆咁質問自已係米“諗多左咋”，“根本冇吾真實”。到依家已經習慣咗，我已經吾係好記得“真實”嘅感覺係點。仲有，我嘅情緒、對周遭環境嘅反應都變得好吾正常…有試過求醫，經歷吾太愉快，吾敢再去。最後診斷係抑鬱同焦慮，但冇講係咩程度，亦冇理我“不真實感”，呢個對我黎講好困擾嘅問題。希望醫生可以俾到意見我，之後會再求醫…