註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
睇症佢響google用了頗長嘅時間去搵相關嘅圖片話畀你聽似係乜嘢，提出話畀佢聽唔似佢搵嘅圖片，佢就話差唔多， 非常之唔專業 ; 跟住開咗啲藥水畀你洗傷口，點知回家一用即刻全片皮膚紅曬，第二日去搵佢，就話其他病人用同一隻藥水從來冇人有問題，咁我話真係唔得即刻敏感還影埋相佢睇，佢就話呢個應該係我嘅問😡唔關啲消毒藥水問題，可能就算你唔用都會係咁， 問他可否轉藥佢就叫我自己出去買自己用開嗰啲， 跟住又叫你做一啲多餘嘅病理學測試之後再去覆診，毫無醫德，醫術及不負責。

之後即刻去樓下另一個皮膚科專科醫生睇，人哋一睇已經講出係咩問題及即刻畀消毒藥水，藥膏及藥物，兩個星期後巳冇事

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
冇睇之前啲留言，結果中咗伏（下次會做research）

有腳癬(+灰甲)及蕁麻疹問題（睇過普通科大概知）
一開始想比佢有個概念，想比啲圖佢睇同講佢聽普通科開過咩藥我食，一開口就閘斷我唔比我講，話唔好咁急等佢睇睇先。
比佢睇症睇咗幾秒佢大概知咩事，叫我出去等一等。
隔一陣再叫我入去，今次入去，佢開個google search 比我睇啲癬係點樣啦，同我好類似咁咁咁。（其實我有晒概念，都係之前普通科講過果啲病徵））
然後見臺面放左啲藥。有隻羅霉樂醫灰甲（超市賣3百蚊）+ 5隻藥膏藥水for 癬（唔同部位有唔同藥膏）+ 3隻for 蕁麻疹。（返嚟check 返有隻普通科開過俾我，免費。其他冇認真睇）
啲包裝好類似，佢好趕時間咁好快講完一次，由於有7-8種藥膏，我都係知啲唔知啲咁記唔晒。（已經好怕佢話我耽誤佢，唯有返去睇指示，應該識搽嘅）
再問我肝功能正唔正常（睇普通科講過話有隻藥會傷肝唔開俾我住）。我身體比較多毛病一時講唔出幾時做過咩檢查，就簡單話曾經check 過有少少脂肪肝，佢即刻屌我話頭先唔講（吓？我一埋位就想同你講吓我病歷、服藥情況你閘斷咗我㗎）。問我係幾耐前，三個月內有冇check 個肝功能正唔正常。我唯有答正常啦（因為打算佢開左俾我我再考慮食唔食都得嘅）。佢話：你當頭先冇同我透露過（指脂肪肝），我照開俾你啦。（吓？你落藥唔係要確保病人安全㗎咩，連我都知有隻會傷肝，你都冇認真同我reaffirm 我嘅合適性就開？）
返嚟google 咗幾個鐘，大概知道邊隻有潛在肝風險，衡量過後我係唔會食嘅。其他藥膏都要google 了解一次副作用同大概用途，確保安全。

同其他人感覺一樣，醫生好匆忙，講完一次就算。冇詳細確保我聽清楚。十分自我，完全唔比機會同我溝通多少少。翻到嚟要自己google 做資料搜集。

原來藥要另外付費，1200，有隻仲要之前經過超市曾經打算買嚟試下冇買（羅霉樂，值～300，應該都markup 晒俾我total 先會咁貴）。感覺有啲亂開藥亂收費。

簡評:
個人觀感- 有欠詳盡、耽誤病情
經歷過程- 求診病人實在太多，等候需時
推介意見- 本人絕對不會再作光顧

經歷詳述:
本人濕疹都幾嚴重,睇完梁偉耀醫生1次後好翻晒,診金算貴,但都值得推介

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 不可多得，值得等待

經歷詳述:
個女生濕診，一坐低就話你知兩個消息，一個唔係傳染病一個唔係醫得好嘅皮膚病，只可以幫你救火，聽完心都涼咗一半，有他講沒我問，態度非常非常差，‘自我感覺良好’，之後看完出嚟買單$1020，姑娘問我要唔要預約兩星期後復診？我當然話要啦，我問姑娘哋藥膏搽唔搽到兩星期啊？姑娘話可以，點知我返來搽咗三日就冇，😭😭😭請問三日都搽咗到，點樣等到兩星期復診啊，連效果都睇唔到😡😡還叫人復診😡😡😡係唔係疫情嚴重時沒病人，而家等錢洗呀？
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
本人兒子臉和身體紅疹和痕癢，困擾多時。梁醫生凖確診症，藥到病除，—星期皮膚明䫳好轉，個仔開心番晒。
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor