經歷詳述:
呢幾日真係任何人先至去睇專科醫生，我係冇睇普通科醫生轉介嘅。事關我耳道門口位生咗粒大瘡，帶唔到耳機都算，仲要呢兩日痛到瞓覺打側瞓都唔得。

我約咗4:10PM睇醫生，但係現場真係好多人，排正排咗成粒鐘，5:15PM左右先至有得睇。

我一坐低就係講我隻耳仔好痛有粒瘡。醫生話我粒癑疱係毛囊發炎，然後好仔細咁樣檢查埋我嘅鼻同埋喉嚨。診斷出我有好嚴重嘅鼻敏感，所以鼻塞，成日用個口唞氣所以口乾，搞到扁桃腺腫脹，影響到隻耳仔好容易痕，隻手搞得多就有真菌入咗耳道，再搞到毛囊發炎。

我粒瘡已經好大粒，就嚟爆，但係我嚟專科就係因為唔想自己處理。喺佢同我處理之前姑娘已經同我交低咗話清除呢粒嘢同埋洗耳加埋要$2000，我同意咗，想快啲搞掂佢。成個過程醫生都好有耐性，同埋都算係幾溫柔，助護亦都係非常之有經驗，好有禮貌，好親切。

因為我粒瘡真係超多癑又有啲嚴重，所以處理佢嘅價錢都真係唔平。而且開咗特效藥同抗生素俾我，所以藥費都會貴啲，但係我覺得加埋都合理嘅！

Consultation Fee: $950
Medication Fee: $1050
吸耳洗耳道及清除毛囊炎癑疱: $2000

簡評:
個人觀感- 判症快捷、合情合理
經歷過程- 醫生會主動探索其病因及治療
推介意見- 值得向有需要人仕推介