經歷詳述:
年幾前睇過，體驗唔錯都幾細心。
但今年6月尾去睇就非常非常差。
首先約左去洗牙再加檢查牙齒，去到之後比起預約時間再等多半個鐘至9個字時間先入去（這個理解亦不介意，因為可能有意料之外的事），但入到去個醫生用左5分鐘都唔洗就幫我完成洗牙，其間不斷讚我啲牙齒乾淨，但是回家後發現仍然有不少黑色漬。頗失望，以前佢會即時給鏡子我看而且洗得好乾淨。
在洗牙前佢有檢查到我有隻牙崩左少少同另一隻有蛀牙，我有要求即時補但佢話補牙好長時間，至少9個字。所以約左半個月後去補牙。
而第二次上去，佢用左半個鐘時間就完成兩隻補牙，而唔係所講至少9個字。而且佢只係輕輕磨下啲補牙物料。第二日我先發現不能完整合實整排牙齒，因為我補完當刻醫生話我會感覺該牙會好緊感覺但第二日就會冇事，所以先冇發現佢磨得咁差。而且佢啲補牙物料殘留係牙齒周圍仲要凹凹凸凸。所以約左第三次去磨番好。
而第三次去到，佢的而且確幫我磨番好。但佢磨到我條脷，雖然有即時縮開條脷但仍然損左，成個下午個口都係血味。而且深信佢過份磨我隻牙，依家同一隻牙牙痛，應該蛀牙了。
其實冇時間唔好勉強排咁多病人係同一日，病人又要等，醫生又草草了事。
我唔會再去睇佢。之前都會推介朋友去睇，但依家會黑名單。不推薦！


簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧