經歷詳述:
曾醫生係我近來睇嘅第二位牙醫，比較下曾醫生好好多，所以值得我留言表揚。

我食凍熱野時都會牙痺痛搞到無咩胃口，用咗一排抗敏感牙膏但無咩改善，所以去睇過牙醫。嗰位牙醫幫我塗咗啲凝膠，同埋開咗啲處方牙膏和漱口水俾我返去用，初時係有少少改善，但過咗無耐都仲係痛。

朋友推介我搵家仁牙科嘅曾醫生睇下。曾醫生表示用了脫敏治療都無咩改善，就通常有其他牙患原因。佢好細緻檢查，最後照埋X光，終於幫我搵到牙痺痛嘅根本原因。原來唔係單純敏感牙齒所以痛，而係有隻牙悄悄咁蛀咗，可能表面唔明顯所以之前的牙醫睇唔到，但其實入面已蛀得有點深。

曾醫生幫我補返隻牙之後，食凍食熱都無再痛，所以想多謝返曾醫生嘅細心，亦欣賞佢有尋根究底嘅精神。


簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 值得向有需要人仕推介