經歷詳述:
昨日因為耳仔持續流水問題，所以決定找住處附近的耳鼻喉科睇睇，因為屯門區冇選擇兼且又急切性所以上網搵到呢間自稱有耳鼻喉文憑但普通科既醫生睇，去到姑娘問睇咩，我話想睇耳仔就即時報價話1000診金，我問佢係咪當專科咁收費佢話呢到唔係專科，咁你考慮下先啦咁，冇辦法底下唯有都要睇，點知入到去，個醫生hea到……我從未睇過d咁既醫生，可以話求其街口搵個阿叔都可以做得到醫生，佢問我咩事我話耳仔流水出黎啡啡地有d味，佢話咁好嚴重喎睇睇先啦咁，每邊耳仔照左兩下就話同你吸耳啦即刻要簽紙做，完全冇講我係咩事，咁我就肉隨針板上，吸左兩野就話得喇收我1800蚊，藥都唔開比我又唔講我咩事就叫我出去，咁我問佢係咩事佢話得咖喇，問多句佢都黑面話你下次再睇啦，今日係咁多啦……哇我真係想講粗口，好後悔，最慘係我而家隻耳都仲有流水，好搵笨同比人呃錢
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧