經歷詳述:
女兒在附近上興趣班，隨機找到黃寶聰醫生。
有少少燒，喉痛，咳，少少鼻水。

醫生冇交流，睇左唔知有冇1分鐘，問左1個問題，之後話叫我地出去等藥。

攞藥：姑娘話全部藥都1日4次（每次4小時），我地問個姑娘佢先話係呀有抗生素，一定要食哂全部。

我都頭痛緊佢返學時點食呢？
但返屋企俾阿女食左飯先，之後食藥，一食抗生素吐返半羮出嚟，再食咳水吐埋d飯水嚟。我停一停先，唔敢俾佢食住。

打電話去問醫生，個姑娘話唔緊要，我話抗生素唔咪要食哂咩，吐左出嚟洗唔洗返嚟補返d藥？
佢話唔緊要，準時食就得，仲問左我個女叫咩名，話抗生素一日食兩次，食哂就得。
但佢樽藥貼住佢診所張LABEL每日四次，所以我問佢，乜唔係4次咩？ 佢話題次都得架，四次都可以。

我實在很擔心，那怕原本是沒問題，我也信不過這種惜字如金嘅醫生，同專業老點嘅護士，如果大家唔介意搵命博嘅，依d診所留返俾大家，係咁！

最後我急著把女兒帶去附近另一個醫生看，已吃過藥休息中，姑娘醒目，醫生專業，如果醫生也沒有讓病人安心，請問睇嚟做咩呢？

簡評:
個人觀感- 有欠詳盡、耽誤病情
經歷過程- 只知取藥付費，未能盡釋疑慮
推介意見- 本人絕對不會再作光顧