經歷詳述:
一個唔使再睇嘅醫生，我小朋友因為一向有鼻敏感引至咳，佢一睇已話好易會變哮喘，睇第二次話唔介口就哮喘，到睇佢第三次時因為睇過其他醫生，人地比抗生素我小朋友食，一停又再反發咳嗽，睇返哩個醫生時佢就鬧到我飛起，不停鬧做乜比抗生素佢食，佢已經係哮喘喇，一年咳三次就係哮喘，話我害死佢！
但我唔太相信，因為我小朋友咳時無氣喘，所以再睇第二個醫生，第二個醫生話食完抗生素7日一停又反發可能係鼻竇炎，一照完x Ray 就確定了，方醫生完全斷錯症，攪到小朋友食左好多不必要的類固醇藥，真係冤枉，而且佢態度係相當惡劣，無禮貌。
重覆睇佢三次係因為佢開左類固醇藥，當時唔知太重藥，只見小朋友食左又無咁咳，聽左佢講要持續食先好得返，點知斷錯症！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧