專科分類目錄

陳禮樂醫生答問

會員#23840 Yeung Suk Ting
右腳內踝足主力骨(tibia)尾骨折
病患者女 - 22歲

應該咁講我嗰個情況就係
右腳內踝足主力骨(tibia)尾骨折但無骨碎有3mm gaps
第一次個主診醫生比左兩個options我
第一個係石膏6個禮拜
第二個係手術入螺絲
咁我唔想捱一刀(同長期都有低血壓怕增加手術風險)就揀左safe d 嘅方法就係石膏
但琴日(事隔入院兩個半禮拜後)第二次見問診醫生就只係問我點解唔做手術個骨’有可能‘會生歪然後就無Further explanation 就叫我做手術
想問下大專業意見
係尼個情況係100%要做手術?本身長期低血壓同酒精敏感會唔會令手術増加風險?
但如果我堅持打石膏
等個骨自然康復
之後做物理治療會唔會好大手尾要跟？
定係其實我尼個情況其實係做手術好過打石膏?
陳禮樂醫生回覆
多謝讀者你的來信。

對於年輕患者於重要位置出現骨折情況，醫生一般都會建議考慮進行內固定手術，以確保斷骨愈合順利及可以盡早作出康復治療，請帶同你的X光照片尋找相熟的骨科專科醫生再作出詳細的診斷及建議治療。

祝早日康復

會員#19565 So Hong
三七步
病患者男 - 23歲

您好，陳禮樂醫生
長期三七步站姿會影響小朋友發育嗎？例如長短腳或骨盆歪斜等等。甚麼徵狀可以看得出來？如有，會有甚麼壞處？會導致便秘嗎？該如何改善？謝謝。
陳禮樂醫生回覆
多謝讀者您的來信。

當你發覺有以下任何一種情況時，就表示姿勢有誤，恐會影響體態與健康。

（1）常常久站超過8小時

（2）不小心就會站出三七步

（3）駝背又小腹凸出

（4）長時間穿著高跟鞋

（5）後天性的長短腳問題

如讀者發現有以上情況出現，建議尋找骨科專科醫生作出詳細診斷及跟進治療，定能改善問題。

祝早日康復

會員#23804 Siu Zoey
照盤骨X-ray發現右邊有囊腫
病患者女 - 30歲

坐骨神經痛去左照X-ray ，照到盤骨位發現右邊有囊腫。
應該要睇咩科？囊腫係咩嚟？
陳禮樂醫生回覆
多謝讀者你的來信。
如信中所述，從X光片中發現類似囊腫的陰影，很多時候出現此情況，是由於我們所稱的「骨島Bone Island」造成，此是一種良性的骨質增生情況。同時亦需要排除是否因其他的骨科疾病而出現陰影的可能性，如骨腫瘤（不論良性或惡性）。請尋找專業的骨科專科醫生作出詳細嘅診斷及檢查，甚或是安排磁力共振作跟進治療。祝生活愉快

會員#23793 J121
腫痛
病患者女 - 85歲

早前膝頭哥痛，去過針灸，食過中藥第三次開始右邊頸椎痛，食完第四次，右邊好返到左邊頸椎痛，過兩日而家左邊手掌腫哂，由左膊痛到手掌，左腳掌腫又痛，請問係咩事？
陳禮樂醫生回覆
多謝讀者你的來信。

從讀者信中的簡單描述，很難作出準確的判斷，到底是頸椎神經線出現問題而引起的神經根受壓症狀，還是使用中藥時，所出現的問題而引致信中所描述的情況發生，請找回你的主診醫生詢問，或尋找骨科專科醫生作出詳細嘅檢查及診斷。祝生活愉快

會員# Belle
腳痛
病患者女 - 33歲

腳腕内側好痛,是甚麼原因?
如何舒緩或治療?
陳禮樂醫生回覆
多謝讀者你的來信。
腳腕內側痛成因有很多，除了我們常見，俗稱「拗柴」之外，也需要留意是否由於脛前肌或脛後肌肌腱發炎而引起的痛楚。請找相熟的骨科專科醫生作出詳細的檢查及診斷已作出跟進治療。
祝生活愉快