專科分類目錄

宋永權醫生答問

宋永權醫生(男)
Dr. Sung Wing Kuen
精神科
值得推介 : 10

會員#30737 H
懷疑家人有情緒問題
病患者女 - 42歲

醫生你好，家人性格一直都係完美主義者，近年思維模式愈來愈偏激，性格亦愈來愈孤僻，認為人同人之間只會存在利益關係，沒有真正的朋友，包括家人亦是如此，同埋會認為出面嘅人講的說話全部都係無營養，不值得交往，強調過往太注重人際所以不開心，所以而加黎個思考模式先係會令自己開心，同時覺得家人嘅關心係要改變佢嘅思維模式，覺得身邊嘅人都唔係真心對佢好，全部都係假情假意

想問下醫生，我屋企人黎個情況會患上情緒問題嗎？但她強調現在嘅自己先係最開心⋯所以我怕她在壓抑自己真實感受
宋永權醫生回覆
您好，

如果您家人有思想徧執嘅情況，便需要了解他／她有冇其他情緒問題或思覺失調嘅病徵。你可以多加留意他／她的行為，有冇危險到自己或其他人嘅情況出現。如果有，便盡早求醫。

宋醫生

會員# Miss Chiu
代我仔仔問，他有情緒困擾
病患者男 - 23歲

你好！宋醫生 : 我本人姓趙，我是他的媽媽，現代我仔問的。他最半年開始有情緒問題，他是從事港鐵客戶服務主任，大約工作咗年半，頭一年工作非常之順利、好開心、好投入，但不知何故近半年開始，情緒唔好、開始有抑鬱、經常唔開心，我估計主要係來自接觸一些冇理客人，受咗委屈，令佢日積月累開始有不少負面情緒出現；大約三個月前佢自己去搵精神科醫生(他是一個好內斂嘅男仔，佢去睇精神科醫生，沒有同我哋講，我係最近先知)，初初食咗藥都冇乜特別大問題，但近這三個星期，他覺得醫生幫唔到佢解決問題，轉左第二個精神科醫生，新個精神科醫生連續俾咗兩星期嘅藥(因農曆年關係，所以連續俾咗兩個星期藥，但嗰個醫生並沒有緊急聯絡電話，有問題都聯絡唔到佢)，食咗啲藥就有好多好多問題出現，解決唔到情緒困擾之外，仲令他產生好多副作用，例如頭暈、心跳、反胃、便秘、手腳麻痹及痕癢、情緒極度低落，甚至有想死傾向，所以我哋真係好擔心。他食緊以下精神科藥物：Quetiapine 25mg、Brintellix 5mg/10mg、famotidine 20mg、Trazodone 50mg、Lorazepam 1mg、NF Vitamine D3 1000IU。以上是我仔的情況，希望宋醫生幫幫忙🙏🏻🙏🏻
宋永權醫生回覆
根據你嘅應描述，你的兒子可能還有兩極性抑鬱症，原因如下：
一）他有情緒高漲和開心的時候，之後便出現抑鬱症狀，
二）他對第一位醫生嘅治療，初期沒有特別，但後來變得沒有幫助，
三）他對第二位醫生嘅藥物有好多副作用，
四）他在服用抗抑鬱藥嘅期間有想死傾向。

你可以嘗試和他多溝通，可以嘅話陪他看醫生，一起和醫生商量治療方案。

宋醫生

會員#23797 yannie
診斷係驚恐症
宋醫生！你好！我經內科醫生診斷係驚恐症！因為我哩一兩年驚恐症成日發作！我成日一出街就頭暈，行商場，天橋，搭交通工具！

仲有過馬路，多人既地方！就會頭暈！係會行唔到路！隻腳無力！好暈！好辛苦！仲會手震等！已經睇左內科醫生快兩年！但程況未有改善！我是否轉去睇精神科？
宋永權醫生回覆
你好，根據你的症狀，你係有好大機會患有驚恐症。通常透過血清素接收體抑制劑（抗抑鬱藥）治療六至九個月，一般驚恐症都會康復。如果未能如期康復的話，是可以看看精神科醫生作進一步治療。
宋醫生

會員# 歐生
情緒病
病患者女 - 23歲

我女朋友情緒病得好嚴重。小時候已經成日喊,但最近呢個月突然嚴重左好多
事無大小都會害怕,生氣,有時激動到心跳加速有時沉默有自殘/小小自殺傾向
我懷疑是焦慮抑鬱症/燥狂症。請問有冇方案可以治療呢個個案。
宋永權醫生回覆
歐先生你好,

根據你的描述，你的女朋友是有機會患有兩極情緒症(燥鬱症)。治療方法主要是用藥物治療，包括情緒穩定劑及抗抑鬱藥。
如有需要，可安排你的女朋友盡早求醫接受治療。

宋醫生

會員#19663 ah5
焦慮症,恐慌症
病患者女 - 49歲

多謝宋醫生回覆:
你好，我叫ah5
之前你回覆、「服用過的ZOLOFT副作用太大，可能你的身體無法處理或適應這個藥物，便需要嘗試其他的血清素接收體抑制劑，例如第二代的抗抑鬱藥，甚至乎可以考慮第三代的抗抑鬱藥。」

因為之前我看過兩個精神科醫生，他們都說因為你正在服用薄血丸，所以其他可以服用到藥唔多，請問宋醫生第二代或第三胎抗抑鬱藥之中，可服用薄血丸(XARELTO 15MG)而沒有相沖藥物，有沒有？

謝謝宋醫生
宋永權醫生回覆
你好，有關個別藥物的選擇和相關的風險，是需要根據個別患者的病歷、身體狀況和過往對藥物的反應才作出判斷。請和你的主診醫生們詳細討論有沒有合適的藥物和治療方案。

宋醫生

醫務信箱
致宋永權醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

宋永權醫生答問

醫務信箱