專科分類目錄

簡煒文醫生答問

簡煒文醫生(男)
Dr. Kan Wai Man, Raymond
泌尿外科
值得推介 : 1

會員#30523 ivan66
已經37歲仲瀨尿
病患者男 - 37歲

你好醫生
男性，37歲，本身有血壓高，糖尿責界，睡眠窒息症（但沒有載機），焦慮症。
由2021年開始5月至6月(次數為8次)，睡覺時就有瀨尿的問題，當時有睇秘尿科，話係膀胱過度活躍，開左OXYBUTYNIN食。
2022年一年內大約有39次
2023年一年內大約有46次
2024年開始至到3月13日35次，已經就超過2022年的總數。最近一次睇返泌尿科醫生，我問有冇方法可以搵到個問題發生喺邊度？佢話你只係瞓覺嘅時候先會瀨尿，做唔到尿動力學測試，只可以食住藥先，但係有時食左藥，佢夜晚都會繼續瀨尿。
想請問仲有咩方法可以根治或者可以找出原因，對生活實在太困擾。睇過好多泌尿科醫生都只可以開藥食，無其他方法可以做。
2023年做過肝膽內臟腎和泌尿系統超聲波，沒有問題。
謝謝醫生們的解答。
簡煒文醫生回覆
你提及的情況比較不常見。若然日間亦有小便頻密，小便急迫的症狀，可以透過膀胱過度活躍的藥物改善。但若只是晚上出問題的話，可以嘗試針對夜尿的藥物，希望在夜間濃縮小便，減少小便的份量，從而減低晚上小便的需要。

若然已做了大部分泌尿科的檢查而找不到特別令人擔心的原因，可以從睡眠架構的方向嘗試找出原因。有機會是睡眠不同階段的失衡，非快速眼動睡眠（NREM)和快速眼動睡眠(REM)的循環交替出了問題。令你在深層睡眠的時間未能察覺膀胱的狀態和逼尿肌的收縮。這個問題可以找睡眠專家或精神科醫生作進一步檢查。

會員#29700 Chan Chun Kit
鼠蹊位跟大脾小腿有疼痛
病患者男 - 47歲

本人47，近半年鼠蹊位有輕微疼痛，有影響到性功能。去看了幾次泌尿科檢查後沒有任何問題，所以轉向懷疑健身拉傷肌肉，從而暫停健身直至玩在，但疼痛仍然間歇性持續，性功能仍有影響。近來除了鼠蹊部疼痛，開始有時會連大腿後面，小腿後面都有疼痛。
簡煒文醫生回覆
你所形容的痛症有機會跟梨狀肌綜合症有關。梨狀肌位於臀部深層位置，下面有坐骨神經線束經過。當這段神經束受刺激，便會誘發坐骨神經痛，導致梨狀肌綜合症。一些重複性的動作或創傷，會令梨狀肌收緊或肥大，導致神經受刺激。

性功能障礙有機會是因為痛楚不適宜失去興致，未必與痛症有直接關係。建議及早就醫，找出潛在根本問題。

會員#29701 dickychan
陰莖黑色硬粒
病患者男 - 35歲

醫生您好。很久之前與女友無套性交後，陰莖長出一粒2mm直徑的黑色硬塊，之後自然脫落，形成一個凹位。請問需要睇醫生嗎
簡煒文醫生回覆
你想形容的情況有機會是擦損過後的復原，又或曾經感染尖銳濕疣後康復的狀態。

若如你所說在很久以前發生，現在並冇任何症狀令你不適，可考慮觀察。如無變化，不用太擔心。

會員#30503 Billy
陰囊左右凸出，睪丸周不時會覺得被壓
病患者男 - 27歲

早排朝早發現大腿內側有皮膚觸感，向下摸發現睪丸竟然內縮摸唔到。然後陰囊近大腿內側連結處凸出左一舊肥肉，按下去不痛。右邊的凸出比左邊要更大，而左邊至少還可以摸到睪丸。
睇左普通科門診，醫生觸診過睪丸唔硬唔痛，亦都唔似係小腸氣，感覺似係因為我偏肥，脂肪會下墜從而會掩蓋陰部。但我幾個禮拜前都唔覺話有甘大大肥肉凸出，而且周不時會覺得睪丸附近唔自在。
但坐嘅時候，舊肉又會慢慢縮返入去，雖然依然feel到有突出，但至少可以摸得到兩邊睪丸。
本人亦患有股蘚，一直復發未能根治，有時候大腿內側摩擦多左都會感覺扯痛，分唔到究竟係睪丸問題定係股蘚問題。

而家好驚係睪丸有事，但又唔知係屬於泌尿科定係外科。
想問問專科醫生呢個case係咪真係我太肥要減肥，定係有機會係其他問題?
簡煒文醫生回覆
你所形容的情況很難用文字形容去分辨。一般來說睾丸的位置及睾丸的情況很容易按臨床檢查判斷得到。臨床檢查亦多數能夠判斷有沒有小腸氣。

肥胖的身形會導致皮膚上的汗水較難蒸發，加劇皮膚真菌感染的情況。但只要持續地塗抹合適的抗真菌藥，多數可以痊癒。

建議你及早就醫，讓身體狀況得到適當的診斷。

會員#30481 JP
精囊炎?
病患者男 - 38歲

請問恥骨位及睪丸上方位置脹痛
尤其時坐得耐會比教明顯
是什麼病?
簡煒文醫生回覆
你所形容的情況有機會是附睪（睪丸的附帶組織）發炎或陰囊靜脈曲張，臨床檢查應該可以分辨。建議你及早就醫。

醫務信箱
致簡煒文醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

簡煒文醫生答問

醫務信箱