註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
上個月在許鍵文醫生度切除咗右眼粒墨，手術過程順利無痛及無想象中咁恐怖，唔會見到醫生的手術刀同較剪，淨係會見到白色光雖然唔痛但係會有感覺，手術當晚麻醉藥過後會有痛嘅感覺，食咗止痛藥之後就好啲。一星期可以拆線，兩個星期後開始散緊紅，3個星期基本上已恢復，眼白同冇做手術嘅地方一樣咁白冇留低疤痕，完全沒有留低手術嘅痕跡。呢粒墨跟咗我好多年，由於個size真係又大又黑一直都對我好困擾，工作嘅原因需要成日見客每次都會發現對方會將目光落在我嗰粒墨度令我頗為尷尬，手術前都網上search咗好多資訊一直在做手術與不做手術之間徘徊咗好耐。網上見有人分享手術過程話唔會見到手術刀都有個心理準備個心定啲，因為唔影響到健康無啦啦捱一刀都會有風險都好擔心。諗起半年前陪媽媽去睇許醫生做咗個白內障手術好成功視力都恢復得好好，同埋媽媽話醫生嘅手勢好做完手術之後第二日好似帶咗個隱形眼鏡咁完全冇痛冇唔舒服，當時雖然自己冇睇許醫生都順便問埋關於我粒墨嘅問題，醫生都好Nice咁解答咗我，當時醫生話冇變大冇惡性細胞就唔需要理佢如果真係好介意都可以做手術切除。考慮咗半年，今次終於扚起心肝搵返許醫生幫我切咗呢粒墨，冇諗到咁好嘅效果，啲同事都話我好似整咗容緊。見網上好少關於切除眼珠裏面粒墨嘅分享，都希望可以將自己手術過程同恢復期俾咁多人參考返。

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

經歷詳述:
我是一個喜歡看報的人，上個月初找許醫生做了右眼白內障手術，術後看遠處非常清楚，我對手術後的視力好滿意。當初是經街坊朋友而得知許醫生做白內障手術手勢精湛，自己也事前搜尋多方資訊再前往預約檢查。許醫生為我做完詳細檢查會根據我本人情況給了適合的手術方案，為我度身訂造了我適合的晶體，許醫生得知我喜歡看報給我調較一隻眼看遠一隻眼看近的度數。前幾日剛完成了左眼手術，遠近皆完美，我好滿意這次手術。感謝許醫生手術前為我講解手術詳情給我信心，消除我手術過程的恐慌。許醫生真是一位不錯的醫生，希望每位病人也可以同我一樣可以找到一個細心又為病人著想的醫生，想信每個人都似我一樣手術前多多少少有擔心有恐慌，選擇對的醫生可令手術結果更完美。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 值得向有需要人仕推介

經歷詳述:
因為眼瘡既問題仲未好得番, 所以就搵專科醫生睇, 睇到好多好評就揀左睇許醫生, 預約唔難, 診所既姑娘都好NICE, 就算係要求即日睇都安排到。
去到診所發現好多人睇, 大約有接近十個病人坐滿係診所, 因為好多都係因為手持醫療卡睇。
等左一陣就有姑娘先幫做簡單檢查, CHECK度數, 量眼壓。D姑娘真係幾NICE, 會細心講解, 睇完令藥都會解釋點用。
同醫生講完我既症狀, 醫生就為我檢查我眼瘡個位, 但就真係淨係睇左個個位, 講我問題唔嚴重, 唔需要做手術個D, 依次第一次睇就處方類固醇眼藥膏, 整個過程應該幾分鐘就睇完。
按足醫生指示, 除左用藥, 仲有熱FU清潔乜都做齊, 就算問左醫生佢話唔洗戒口, 但本人亦自行戒口, 想早日康復, 但最終用左兩星期都係未好得番, 就按期去覆診, 轉左比類固醇眼藥水。
醫生話可以停左熱FU去, 咁我跟足指示, 隔左成星期都係未見完全好番, 隻眼都仲係明顯紅腫, 就又番左去覆診, 再換左滴幾支眼藥水, 話好番就唔洗番去覆診。
用左一星期, 情況冇變, 咁就又覆診再問下許醫生意見, 佢睇完我隻眼, 話我咁既狀態其實已經係好番哂架啦, 唔洗再用藥, 亦都唔洗再去覆診, 聽到一個專科醫生咁講, 而我一個普通人, 我個下就信左醫生, 好開心咁走左啦, 仲話好多謝醫生呢一個幾月的治療。
番到屋企我同屋企人講番話唔洗再覆診, 我已經好番哂, 屋企人睇下我隻眼, 仲係好明顯既又腫又紅, 完—全唔覺得係好番, 咁我再客觀睇下, 又真係左右眼完全唔同情況, 出事隻眼仲係幾明顯既腫＋紅。
隔左咁耐都未好番, 屋企人同自己就好擔心係咪其他嚴重病變之類, 我仲打算入私家醫院做次完整檢查前, 但經朋友介紹轉左另一個眼科醫生, 同許醫生唔同, 另一位醫生唔係醫療卡個D醫生黎, 我比哂所有藥新醫生睇, 佢好仔細睇完D藥再幫我檢查雙眼! 係雙眼!! 唔係單單只係我眼瘡個隻眼, 而且新醫生仲係全眼上下左加咁檢查哂, 唔係好似許醫生咁主要睇我眼瘡個隻眼同個個位。最後新醫生幫我檢查完, 清理左眼入面既膿, 仲順便通埋眼腺, 再解釋安慰我眼既情況, 同許醫生既5分鐘內完差好遠, 新醫生睇左我接近半個鐘, 今次再滴左一星期藥, 我隻眼隔左兩個月終於真正咁好番。
許醫生係我隻眼係普通人一睇就見到既又腫又紅既明顯情況, 竟然講我完全好番, 唔洗再睇醫生.. 令我誤診同感到非常失望, 因為前前後後睇左許醫生5次, 如果覺得醫唔好病人, 其實叫個病人去睇其他醫生都好過話個病人完全好番哂﹗真心失望...

簡評:
個人觀感- 有欠詳盡、耽誤病情
經歷過程- 需要自己主動提出較多的諮詢
推介意見- 本人絕對不會再作光顧

經歷詳述:
我係經網上搜尋搵到許醫生安排做咗白內障手術，今日剛做完第一隻眼拆完眼罩即刻覺得視力有好大改善，醫生做完檢查視力去到1.0，我之前視力得返0.25即係恢復返九成半嘅視力，手術後完全唔痛除咗覺得有啲光之外，冇其他嘅唔舒服。真係要讚讚許醫生嘅手術做得好成功，已經預約咗下個星期做埋另外一隻眼，希望都一樣睇得咁好。真係好好彩我揀啱咗許醫生幫我做手術，佢經驗豐富又有耐性手術費用適中，係一個非常之值得信賴嘅醫生，我完成咗兩隻眼嘅手術後都會介紹屋企人及朋友嚟睇，希望許醫生可以幫到更多嘅人改善視力。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
本人是長者，從來沒有寫過網評，非常開心自己選對了醫生. 近期視力差了很多，看了三個眼科醫生問症瞭解，最終選擇了許醫生。憑着他的細心，醫術經驗和網上評語給我很大的信心.我已完成右眼白內障手術了，第二日眼睛視力完全清淅，十分感謝醫生！
我8日後再做埋左眼就不用靠那又厚又重的眼鏡了，十分期待！

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor