註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
顏醫生的專業知識無庸置疑。他對病情的判斷是準確，對治療方案的選擇總是謹慎。醫術精湛，讓我對治療充滿信心。

顏醫生對病人的病情詢問非常詳細，不僅僅是病情的表面，更是深入到病人的生活習慣、飲食習慣、心理狀態等各個方面。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

經歷詳述:
醫生的診所位於公司附近，平時我地公司同事都係搵顏醫生睇，診所幾乾淨同都算幾易約
事緣太太覺得個胸口有唔舒服，想搵女醫生睇，平時屋企附近醫生係男醫生，所以就同佢黎左睇顏醫生
顏醫生仔細問診同檢查，轉介做左超聲波 (佢話太太呢個年紀唔洗做造影﹐感覺佢都唔係濫收錢的醫生) , 結果係 BIRADS 4 需要進一步做檢查
醫生細心解釋太太個情況有少於10% 係惡性, 但跟指引都需要抽組織, 雖然係咁, 我地都好擔心﹐特別係太太屋企人有乳房的大病
醫生同姑娘都好幫得手聯絡外科醫生安排左個快期, 第 2日就可以去外科醫生度抽組織
因為個外科醫生主力做乳房個案，所以診所都有超聲波同可以抽組織, 幾日就出左報告，最後都係良性，半年再追縱，都一樣跟得好好, 令我地冇咁緊張
最近再做超聲波粒野仲細左，叫做放下心頭大石
好感激顏醫生同外科醫生的照顧



簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 不可多得，值得等待

經歷詳述:
我自小有哮喘問題，但中學以後幾十年都沒有再病發。
去年新冠感染之後，持續咳嗽，尤其是晚上根本睡不好，三四點就咳醒，一直未能再入睡，看過幾次中醫、西醫也沒有明顯改善，非常困擾，經同事介紹看顏醫生。
顏醫生仔細問診，除了問病徵，也有問生活習慣，診斷為敏感咳，處方了吸劑、特效敏感藥和咳藥，用了一段時間氣管問題大大有改善，最重要是可以睡到早上。除了藥物治藥，醫生亦有給予家居清潔的貼子，原來床單要特別地用溫水清洗，使用這個方式後兒子的鼻敏感也大大改善了。

新冠感染之後皮膚也有敏感的情況，醫生仔細會診和解釋藥膏的作用和副作用，另外亦開了沖涼液和潤膚膏等，提醒要持之以行地使用，最近皮膚的確健康很多。

現在家人和自己身體有什麼問題，都會找顏醫生跟進，阿仔生暗瘡亦是在這裡看，潔面乳、藥膏都很有效，阿仔表示皮膚少了出油。


簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 已視為本人的必然選擇

經歷詳述:
以前喺荃灣跟開顏醫生睇皮膚，主要都係睇暗瘡。
呢幾年工作壓力大，塊面容易紅同埋出油，紅起上黎就好痕，塊面好乾仲吉吉地，有時仲會出石頭瘡，好困擾，而且男人好難化妝遮紅。
上網搵返顏醫生跟進，經診斷有玫瑰痤瘡，除左開左洗面乳，仲有打 V beam ， 打左兩次皮膚已經無咁紅同埋明顯出少左油，暗瘡都少左，最緊要係公司保險包。
另外都有自費水光針，比想像中冇咁痛，打完都冇乜瘀，第2日正常出街，診所姑娘服務都好好，好細心有禮貌，整體感覺都好好，診所環境都好整潔寬敞。
會繼續返去打激光。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
幾個月發現頸腫，於是在公司附近看了顏醫生。顏醫生做臨床檢查判斷為甲狀腺的腫塊，於是轉介超聲波。由於超聲波的專科醫生認為腫塊性質未明，醫生安排做抽針檢查，但抽針結果依家是未能分辨良性或惡性。
顏醫生非常仔細解釋這是常見的情況，與我討論不同的治療方案的利弊，包括監察、再抽針或轉介外科醫生，同時亦有給我心理準備外科醫生大約會做什麼, 例如手術切片看看是良性定惡性再決定要半切或全切，感覺上顏醫生知識豐富並專業，同時她亦注意到我當天有些難過和擔心，給予我空間和支持，其後亦有收到診所姑娘慰問，感到非常安慰。
最後如外科醫生所言，做了甲狀腺手術，現在康復理想。
非常感謝顏醫生妥善的診斷

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

註冊專科分類

睇醫生網 Seedoctor