註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
每兩年例行身體檢查發現乳房有硬塊新增，唔想用診所推介嘅女醫生……我認我性別歧視，相信揸得手術刀，都係男性外科醫生好啲，上網搵到馬醫生，見佢喺乳腺科浸咗好多年，又見有瑪麗醫院病人推薦，最重要醫生年紀唔係大，醫學知識一定與時並進，打電話預約，醫生知道我粒嘢有4-5cm咁大，就叫我第二日立即見佢……我好淡定，以為自己一定冇事，點知醫生睇完我啲報告及X光照片，話我粒嘢邊緣唔係咁清晰（其實就算清晰都唔一定冇事）加上報告寫我係 BI-RADS4 即係有可疑 >2-95% 係嗰味嘢（當刻想爆粗，卓X個醫生同我講話個報告冇“衰嘢”，唔使擔心，只係提議搵醫生抽針，等我重隔咗三個月先行動）醫生話要抽粗針化驗，嗰刻真係嚇到差啲喊。過隔離治療室，醫生幫我照超聲波，圖像射上天花板，方便睇到自己病情。抽粗針，聽到都嚇死，但醫生手勢真係好好，一啲都唔痛加上姑娘很體貼，過程中醫生，姑娘同我吹下水分散我注意力，好快就抽完。第二日已出咗報告，係良性葉狀腫瘤，因 size 大及有血管在內，醫生提議開刀切除整粒化驗，醫生詳細講出手術過程及影響範圍 ，疤痕位置……等手術後情況，並提議做“冰凍切片” 檢查，以確保完全切除唔使番刀。當日手術順利之餘, 傷口真係唔覺痛。返馬醫生診所覆診, 醫生為我用超聲波檢查及洗傷口, 絕對唔會馬虎. sis 們最緊張條疤痕, 正如下面幾位用家講, 收藏在乳暈根本唔顯眼, 我就麻煩D, 因粒嘢位置比較高, 要打直開多一小刀, 但疤痕很幼細。總結: 馬醫生醫術&手術精湛, 刀法一流, 待人親切細心, 收費非常合理。
（其實，我點解寫得咁長編，除咗讚賞馬醫生外，亦因為睇咗呢個網站以下幾編醫評後作最終決定，所以要作出貢獻)
簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 不可多得，值得等待

經歷詳述:
我想讚一讚馬醫生手勢，真係好到無話可說，因為我粒野大，手術前有講清楚手術後乳房可能會凹陷，嚇到我手術前一晚完全訓唔著，手術後醒來即刻睇下有幾凹，原來凹都冇凹不突止，兩星期後疤痕隱藏喺乳暈邊，直頭搵都搵唔到咁濟，其實馬醫生可以大膽D同病人保證傷口好靚，咁就唔洗我地手術前擔心到死。
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
通常係呢d網寫野 比人感覺似做媒 但我唔係媒 係真心將自己的感受分享比大家 我從來唔寫呢d野 但今次實在忍唔住上黎贊下馬醫生 佢人又好 心地善良 又耐心有禮 手術縫針非常有心機 我腹部傷口處理得非常好 只係一條好細的線 真心感謝佢 ！
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
本身我好抗拒男醫生，因為怕尷尬，不過馬醫生真係唔讚唔得。

我自己乳房痛咗一段時間，諗住上網揾個婦科醫生睇，無意間發現一個好有用的網頁「香港的乳癌治療資訊」，先知原來乳房應該揾外科醫生。打咗去診所問，原來係男醫生，自己掙扎左一輪，最後尾見網頁咁多好評，醫生又樂於解答眾人煩惱，死就死啦男醫生就男生啦。

上到去診所，環境舒適，等咗15分鐘度就到我睇，問症期間醫生好耐心聽我講我的憂慮，之後幫我做檢查同照超聲波，個超聲波影像仲會投射上天花板比我睇，頭都唔洗拎，超級細心的設計，一路照一路講解，睇咁多醫生從來未試過呢種服務，讃！

之後馬醫生清楚解釋我有咩可以選擇，比時間我返去諗清楚，冇話一味叫我做乜做物，感覺非常舒服。
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 優質醫療服務理應如此

經歷詳述:
之前看過另一外科醫生，一味叫我做手術，如果唔係會好危險，問多幾句都覺得我煩。經朋友介紹睇馬醫生，真的有介紹錯。佢好仔細問我病歷，即場建議我抽針先再決定做唔做手術。幸好抽針是良性，根本唔駛做手術，只要下年再照下監測著就得。馬醫生手勢一流，佢診所的姑娘態度又好又溫柔，一邊抽針姑娘一邊同我有講有笑，抽針過程唔太痛。馬醫生俾我感覺係唔係一味講錢亂咁叫人做手術的醫生，我一年做檢查一定會找佢。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

註冊專科分類

睇醫生網 Seedoctor