註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
母親死亡後, 本人 (於2023年9月20日下午5時) 再次到戴醫生診所 (付費後) 拿取母親死亡前最後一份 (只有4分鐘) 的 (醫生診斷) 紀錄。
家屬一次錯誤決定, 帶咗母親去睇戴醫生, 花費$1800元, 卻間接為母親換來一張死亡證!!! 當本人診金俾到足, 但是否能獲得戴醫生合理的診症時間, 還要視乎戴醫生診症當日趕唔趕時間?!! 呢個係一個病人的悲歌, 亦是醫療界的墮落, 無論家屬有多捨不得, 老人家始終有離開的一天, 這個大道理本人是明白的, 該不幸事故, 其實好應該告一段落。 但… 自從本人貼出母親的死亡經歷後, 留言板突然連續出現數個 (十級) 誇讚戴醫生的留言, 緊接住本人母親的死亡經歷, 該數個 (十級) 誇讚戴醫生的留言, 一個接一個, 大眾市民應該明白發生緊””乜野事””。 如果本人母親的死亡, 能帶給戴醫生一些做醫生的基本反思, 例如: 新症長者必須要預留一小時觀看病歷, 又例如: 處方藥物前, 要向家屬解釋清楚藥物使用的正確指引, 又例如: 戴醫生減少 (海量地) (於同一天內) 接收過多病人, 如果戴醫生有做齊上述一D咁基本的老人科醫生指定動作, 本人母親有可能不需要於疫症高峰期死亡!!! 我阿媽雖然死咗, 但如果留言板上, 每個 (十級) 讚好戴醫生的故事, 都是真人真事的話, 我都替各位父母高興, 如果呢D (讚好戴醫生)既故仔, 是真人真事的話。
疫症過後, 全香港人復常, 全香港人都好似吾記得左, 疫症高峰期醫院既情況, 你們知否, 如果閣下父母於呢段時間死亡, 係會有D乜野非人道的待遇!!! 回顧本人母親臨終前, 留院時間長達一個半月, 本人卻未能准予踏足病房半步, 但當九龍醫院醫生突然來電通知, 能開放病房大門給本人探望母親, 更不設任何探訪時間限制, 原來當時, 只剩下一個完全沒有生命跡象、稍帶微溫的母親遺體等候本人。 當各位留言者帶同自己的父母開開心心復常, 於本留言板大聲唱好戴醫生, 你們知否, 戴醫生的該次1800元4分鐘不夠的診症, 間接送給本人母親係乜野呀?!! 係一張死亡證及家屬一生的遺憾!!! 家屬本應可以有充分時間, 陪伴母親度過人生盡頭的最後旅程, 就是本人的一次誤判, 帶了母親看戴醫生!!!
我跟戴醫生無仇無怨, 跟其他人一樣, 於診症當日才第一次見戴醫生, 當日那四分鐘不夠的診症, 我亦都有俾足$1800元的診症費, 我真係唔知點解, 大家的診症經歷有如此天淵之別?!! 看到如此大批突然出現, 空泛地讚好戴醫生的言論, 我亦都無選擇, 本人清楚母親的死亡與戴醫生無直接關係, 但間接呢? 家屬將會交由醫務委員會來裁決。 我知道過程會拖得好漫長, 好艱身, 但係就是該批突然出現, 十級十級讚好戴醫生的留言, 告訴本人, 戴醫生當日這樣對待我們兩母子, 公唔公平!!! 我阿媽看完戴醫生後, 落得如此死亡下場, 公唔公平!!! 我跟戴醫生無仇無怨, 點解要咁樣對我地!!!
記得診症當日, 戴醫生只為母親處方了一種精神科藥物, 根據藥廠官方指示, 該粒藥物的環境乾燥要求非常高, (切忌) 以開水服用, 該粒小藥丸, 外觀跟一般藥物無分別, 一般常識告訴本人, 藥丸應該是以開水服用, 但當母親出現 (全身發軟無晒體力的) 嚴重副作用後, 本人於官方網站才得悉, 該粒藥丸的正確服用方法: 必定要放置於母親的舌頭上, 讓藥力慢慢被母親吸收, 這才是該粒 (精神科藥丸) 的正確服用方法。 一個咁緊要的用藥指示, 戴醫生當日可能趕住走, 居然無向病人家屬解釋清楚!!! 而戴醫生的診所姑娘, 亦無向本人說明清楚!!! 由於診症時間實在太短, 我根本無足夠時間提問, 當日於取藥時, 本人向診所姑娘追問: 「究竟戴醫生處方了那一種精神科藥物?」 由於戴醫生當時已經急趕地離開了診所範圍, 當時該批診所姑娘, 需要擾攘了一會, 才能回應家屬對於轉換藥物上的問題!!! 戴醫生當日, 只向母親處方了一種藥物, 佢都無向本人解釋清楚, 正確用藥指引, 看到留言板上, 有人居然說, 戴醫生的醫療團隊, 會向病人清楚講解用藥指引?!! 我唔係要戴醫生團隊告訴我嗰D… (一日三次, 每次一粒, 飯前飯後…), 我係要戴醫生告訴病人, 嗰粒精神科藥物, 根本係唔可以用開水送服, 嗰粒精神科藥物 (當離開blister包裝), 切開後不可以儲存, 藥物接觸空氣後藥效或會迅速變質, 應該將切開剩餘藥物的部份立即扔掉, 因為該粒精神科藥物一D都唔昂貴, 相比當日那$1800元 (只有四分鐘) 的診金!!!
既然戴醫生診症時, 也許是因為他當日趕時間趕住走, 無向本人清楚說明, 服用藥物時, 需要注意的特別事項, 因此, 母親就以錯誤的方式以開水服用。 可能就是這個原因, 母親出現猛烈 (全身無力) 的副作用!!! 母親跌倒腦出血後, 經多次輸血, 留院六星期死亡, 政府醫生曾經建議家屬解剖驗屍, 由於母親生前的遺願是土葬, 因此家屬經過考慮後, 拒絕了政府醫生的驗屍建議, 亦因為這個原因, 家屬無法透過死因庭去追究每一個疏忽令母親死亡的單位!!!
於2023年9月20日下午5時, 本人曾帶同藥廠的說明書, 向戴醫生團隊質問, 當時一位姑娘 (舊員工編號為: EC0120--) 她曾嘗試為戴醫生辯護開脫: 「其實呢D藥物說明書指引, 未必一定要理會架, 好似止痛藥Panadol咁, 可能都有好多服藥禁忌, 但係一般人都不用理會架。」 但係, 我阿媽就係食咗戴醫生的藥物出咗事呀! 這個係fact呀! 官方的藥物指引可以不跟隨嗎?!! 請問該位姑娘, 妳們服食『得X定喉糖』, 會否搵水送呀!!! 本人曾經詢問該位戴醫生姑娘, 是否有護士RN / EN專業資格? 她回答: 沒有。 幸好她有自知之明, 最後該位戴醫生姑娘, 需要邀請 (精進醫療機構內的) 一名藥劑師出來回應本人, 但當該名藥劑師知道母親 (無跟藥廠指引) 服藥後出了事而跌死了, 該名精進醫療機構的藥劑師最後不敢親身出來回應本人, 因此, 該壇蘇州屎, 最後交回給戴醫生自己處理。 母親出事的該種精神科藥物, 是否因為無跟官方服藥指引有關, 家屬就只能留待醫務委員會來裁決。
於診症當日, 戴醫生無向病人解釋原因的情況下, 突然站立起來匆忙離開了診症室!!! 一名醫生突然離開診症室, 但係診金就收到足!!! 於2023年9月20日下午5時當日, 本人走進戴醫生的診症房間, 本人親自質問呢個姓戴的醫生, 本人當時已經向戴醫生提供了事發時的準確時間、日期、地點, 但戴醫生居然回答不到當日, 他究竟係因為D乜野急事, 需要突然離開診症室!!! 究竟係嘉莉大廈大火, 定係華東水災呀?!! 為何要於診症時咁急趕住走呀?!! 當日的診症根本未完架, 戴醫生!!!
母親死後, 戴醫生該份開價$3000元, 簡簡單單的所謂醫療報告, 本人已經預留了超過一星期時間給予戴醫生來準備, 當中內容只有149隻英文字, 但戴醫生可以兩次串錯英文字, 居然要修改到第三次!!! 專業??? 醫德??? 母親死後, 本人曾分別向三間醫療機構索取病歷, 只有戴醫生的團隊不需要核對個人身份, 該批一字排開的姑娘只會不停向本人索取3000元! 我現在免費幫戴醫生團隊做一個external audit, 如果戴醫生繼續用呢個 (無掩雞籠的) 方式來處理病人個人資料, 這已經觸犯了香港法例, 本人首次致電時, 戴醫生的姑娘, 還未知道母親已經死亡。何謂專業??? 何謂醫德???
每一名向戴醫生求助的家屬, 都希望能為自己的父母延長壽命, 但本人的例子就剛剛相反!!! 母親 (於疫症高峰期) 留院六星期的dying過程當中, 家屬不能陪伴在旁, 無家屬能看母親最後一面!!! 2023年12月 5日下午5時, 本人致電戴醫生醫務所, 希望該名牽涉其中的 (戴醫生””護士””), 能提供個人資料給本人, 並出庭作供, 但該名護士拒絕向本人提供資料, 並對著本人說: 「 (2023年9月20日的事情) 我都唔記晒喇。」 當時本人才恍然大悟, 所有戴醫生的護士, 其實與戴醫生係同一個團伙! 呢位護士聲稱, 已經唔記晒發生過甚麼事。這是否因為, 死咗嗰個老人家, 唔係妳親人ㄚ嘛!!! 本人希望提醒市民, 若跟該醫務所有任何糾紛, 市民一定要錄音錄影, 因為呢一個醫療團伙會突然說: 「我都唔記晒喇」。 想提醒呢位護士, 2023年9月20日, 本人當面質問戴醫生的對話, 閣下全程在場, 呢個紀律聆訊你走唔甩架! 到時請出席護主!
對於該批突然出現, 緊貼著本人母親的死亡個案, 於戴醫生的留言板上, 豪爽俾爆like, 十級十級空泛讚好戴醫生的留言 --- 本人有以下解讀, 留言板門檻好底, 完全無核實機制, 任何人事真真假假都可以留言, 就算單一一個某某診所員工, 都可以用數千萬個不同身分來留言。 愛惜父母的各位, 帶慣父母到不同私營醫療機構去求醫的各位應該明白, 一名醫生協助病人評估醫療報告、協助翻查政府醫健通內容 或 詳細解釋用藥指引, 根本就係平常不過微不足道的事情, 根本不用翻箱倒籠, 搞盡腦汁, 搵埋晒D雞毛蒜皮醫療小事來誇讚褒獎戴醫生, 老人家身體虛弱、踏入人生尾聲, 藥物組合複雜, 就算是單一一個老人家 (新症) 個案, 都好應該要預留足一小時來診症及觀看病歷, 若要在同一時間內, 睇晒兩位老人家 (新症), 才得嗰一小時, 請看看戴醫生開一個乜野收費價錢啦?!! 呢D小恩小惠, 其實係不用故意咁肉酸寫晒出來歌頌他, 或十級十級來俾分佢, 不過, 如果戴醫生真的會願意肯花上30分鐘去睇一個老人家, 呢個應該算是國際級大新聞!!! 我真係諗唔明, 一D咁既芝麻綠豆噓寒問暖微不足度小事, 對於一個收費咁昂貴嘅醫生, 有乜野需要值得表揚。 本人母親生前的腎科醫生梁基泰, 有問必答, 問到本人無問題問為止, 態度超級好, 跟進母親腎衰竭三年多, 成功將母親腎功能穩住, 從來無惡化過, 令母親壽命得以延長。 骨科醫生林人傑, 就算係骨科新症, 都俾足一小時去診斷, 惜心制定符合本人經濟的醫療方案, 林人傑醫生的書櫃內有多本佛經, 一位靈聖上有追求的醫生, 診症方式的確跟戴醫生有好大分別。 並非診症時間長就一定是好醫生, 腸狀外科醫生鄧俊傑, 新症診症時間雖然只有短短的15分鐘, 但不論臨床檢查及向病人解說手術過程, 仔細、詳盡、清晰, 向病人解釋手術過程圖文並某, 就算無醫學常識的本人, 都能100%明白, 鄧俊傑醫生更大方樂意免費為病人寫轉介信, 該封詳盡, 內容複雜的外科手術轉介信, 如果要戴醫生寫的話, 我們兩母子的荷包又會被戴醫生鑿出$3000大元!!! 上述這三位 (腎科、骨科、腸狀外科) 我們遇過的、真正有醫德的醫生, 收費只有戴醫生的一半, 但本人亦從來無專登抽時間去留言板 (十級十級) 讚好感謝他們。 究竟該批忽然出現, 大大力去誇讚戴醫生的網民, 有無真係帶過自己父母去週圍睇醫生! 真係有醫德的醫生你地究竟見過未! 究竟你們父母是否真有其人? 請問戴醫生D咁飄忽既工作態度算些甚麼?!! 佢根本無足夠時間去應付咁多病人, 當時間不足夠, 就以降低自己診症quality的方式去敷衍病人試圖過骨, 我阿媽的不幸個案就是最佳例子!!! 當本人貼出母親的死亡經歷, 該批突然十級十級讚好戴醫生留言, Why??? 本人希望市民可以精明地, 去觀看該留言板, 類似呢D咁既 (無內容) 留言…e.g. (…就係因為多人信戴醫生, 因此老人家等多久都覺得值得架…)…, 究竟D咁虛幻的客套話, 可信性有幾高呢! 請大家自行判斷。
我只希望母親的死亡經歷, 能被更多人看到, 為戴醫生帶來個人反思, 想提醒這位已經一把年紀, 還要不停過場/轉場努力掘金的戴醫生, 萬般帶不走, 不斷累積財富的同時, 還需要有醫德: (1). 新症長者必須要預留一小時觀看病歷, (2). 處方藥物前, 要向家屬解釋清楚藥物使用的正確指引, 寧願高估藥物所帶來的副作用, 切勿低估 (3). 減少海量式地 (於同一天內) 接收過多病人, 量力而為。 (4). 即使有緊急事故, 需要立即 (無端端企咗起身) 並離開診症室, 身為一名醫生, 有義務向病人及家屬解釋清楚緊急離開診症室的因由。
可以說是好心做壞事, 將戴醫生介紹給本人及母親認識的, 是母親生前的一名多年家庭醫生, 佢對待媽媽很好, 一直與家屬一同規劃母親晚期照顧, 我們全家人都好尊重他, 戴醫生跟他是相識的朋友, 就是因為這個原因, 家屬一直啞忍戴醫生於診症時的所作所為, 母親落葬後亦無想過要留言公開當時診症細節, 直到本人向戴醫生索取母親死亡前最後一份診症紀錄, 戴醫生再索價$3000元, 連殯儀館D白金帛金都要賺埋, 當時戴醫生更膽敢反問本人:「我點解唔收你錢?」 家屬已經忍無可忍, 所有直接與間接令母親死亡的””單位””, 現在家屬都要查明真相! 一個老人科””名醫””, 診症 或 寫醫療紀錄就求求其其!!! 錢就想收到足!!!
若帶父母去睇戴醫生, 首先要人夾人緣, 還要夾埋戴醫生當日嗰個日理萬機的時間表, 才奢望自己父母, 能否僥倖獲得戴醫生當日的惜心診治??? 對於本人來說, 該次診症, 絕不可以簡單的用一句””人夾人緣””來解釋, 當其他不滿戴醫生診症手法的子女, 他們所遇到的可能只是一個破財的惡緣, 但本人母親當日遇到的, 絕對是一個『劫』, 一次咁粗疏乸西的診症, 帶給家屬一生傷痛遺憾!!! 我想帶我阿媽轉睇過另一位老人科醫生都從此無機會!!! 本人明白, 醫務委員會的紀律聆訊, 就算最終能開綠燈, 對於已經累積了大量財富的戴醫生來說, 亦可以聘請最好的律師, 我只希望戴醫生能吸取教訓, 唔好再於同一天內收咁多病人, 戴醫生根本無能力去 (負責任地) 應付所有等候的長者, 請將過剩的年長虛弱病人, 交俾其他老人科醫生來分擔, 唔好搞到自己的醫務所的輪候等候模式, 好似人滿為患的公立醫院咁, 但係戴醫生既收費唔係公立醫院呀! 個個老人家都年紀老邁好虛弱, 金錢你一個人係賺唔晒架, 一個馬馬虎虎的診症, 其實可以間接搞出人命架, 請唔好再製造多另一個家庭悲劇翻版!!!
該批 (緊貼著母親的死亡個案), 以 (十級十級讚好戴醫生) 的留言, 本人作為一個死者家屬, 我已經收到晒, 我知道, 我阿媽就係咁無咗條命, 我知道, 你地D阿爸阿媽得到戴醫生的”仁心仁術”庇佑下, 生活安康、健康愉快、長命千歲。 我已經睇到你地父母好健康幸福快樂! 不需要在此曬命, 十級十級讚好呢個 (累積金錢富可敵國的) 老醫生!!!
大家都有父母, 或曾經有父母, 請運用你們的同理心, 當日, 那個$1800元 (4分鐘), 更於診症期間, 突然 (不作任何解釋下) 離開診症室的舉動, 戴醫生當日的所作所為, 對我死咗的母親公唔公平!!! !!! !!!

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
本人兩位屋企人都有認知障礙症，今日帶咗屋企人見戴醫生，等得比較耐，不過都合理值得，今次係新症見戴醫生，睇左1個小時有多，解釋詳盡，而且戴醫生還幫忙睇政府做的檢查，還開左新的藥，食左一個月，兩位親人的確大有改善，感謝戴醫生仁心仁術，本人十分推介，希望所有病人都身體健康，藥到病除。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
今日和家人講開睇戴医的經歷，上來search吓，見到有位病人家屬的申訴，本人深表同情。

本人父親因腦退化睇了戴医生幾年，其間都有幾件事令我印象難忘的，本人只陳述事情，分享吓經驗，好不好各人自行判斷。

1. 照完磁力共振後，發現父親曾有小中風現象，戴医建議病人入住私家医院，就可以每日有医護做物理治療。建議正確，不過病人住址是公共屋邨，冇賭王的財力。

2. 父親終日昏睡，戴医懷疑父親有睡眠窒息問題， 建議測試，之後確診父親有睡眠窒息症，戴醫建議要買最貴那部睡眠窒息機，坊間約賣兩萬幾，但他的合作伙伴賣5萬左右，本人想慳啲向其他店買，但這部机要医生簽署及提供供氧度數之類的資料才可買，戴医只建議我向合作伙伴買，沒有提供医生紙給我自行購置，無奈下只能明知貴一倍都買咗部机。已用咗部机一段時間，冇乜效果，父親依然終日昏睡。

3. 父親短暫入住老人院，其間腦退化藥將会用完，由於父親终日臥床出行不便，就想今次只攞藥，不用勞師動眾搬病人去見医生，姑娘話一定要見医生才開藥，可以視象，盛惠1200。其實由那種藥由第一次診症已開，從冇間斷，感覺幾分鐘視象完都係開同样的藥，應該不会不同。其實之前都有試過只攞藥的，但今次姑娘堅持要病人見医生，做法冇錯，只係令人感覺唔良好，望一眼就千幾。

總結：腦退化病只能延緩病程不能逆轉，睇咗都係一路差，我也接受這個說法，既然喺咁，真係似倒錢落海，家人們就決定不再睇医生了。

友人介紹買了坊間有售針對腦退化的補充藥丸，現在食了一兩支，父親反而精神啲，也有較好反應。

我不会質疑医生的專業知識，不過並不是由病人處境出發，有啲離地，鬼唔知乜都用最好的咩，如果有閒錢亂花的，不妨一試。






簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
環境舒適, 第三次睇戴醫生, 等候時間大約45分鐘, 戴醫生細心認真對待病人,斷症準確,母親服藥後病情確有改善,對病人子女提供合適照顧建議, 令照顧者都輕鬆不少,感激戴醫生仁心仁術

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
點解醫生遲返冇人通知?
老人家等左1小時
如果醫生遲就唔好BOOK咁早啦
其實等我知一定要，不過私家黎嫁WO
等30分鐘都仲可以接受

診金第一次2千幾，其實一D都唔平
應該話唔值
當左個個都好有錢咁?
睇左10分鐘左右
出到去姑娘又話醫生要抽血.....WHAT?
好啦.....埋單5千幾....

報告出左冇人打黎
話有事先會通知?咩事呀?

6星期返去覆診，真係唔知下次點再同老人家去


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor