註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
近日發現腰背後，生了一粒東西，因本人曾患癌，担心有事，後經朋友介绍，约見唐醫生。

唐醫生親切友善，詳細問症及檢查。說是老人斑，可鑑察住先。唯因生於背後，照鏡也難看清楚，加上本人獨居，所以主動要求唐醫生切除。

唐醫生清楚詳細解釋2種手術方法及利弊，本人選了其中一種。手術當日，在過程中(手術约1小時)，唐醫生很细心，每一步驟也清楚講解及詢問，當中也有輕鬆閒聊，使本人也很放鬆。在過程中，本人覺得唐醫生很有經驗、專業及関心病人，使本人安心放心。

感謝唐醫生的仁心仁術，值得推薦。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
醫生ok，但receptionist 態度差，5pm打電話約話有530pm位，但等成個鐘，問佢可以態度勁掘咁話仲要半個鐘，你明知要delay咁耐仲約我530? 我5點先約，你唔會唔知前面delay咗幾多呀？仲毫無安撫病人情緒意識，話自己唔知，你唔知？做咁耐連醫生要做treatment咩時間都唔知？我由公司早走衝過海睇醫生，結果要等多個半鐘不止，仲要受receptionst氣^_^希望prime可正視一下你哋receptionist態度，之前黎已覺得唔友善，今次簡直係受氣

簡評:
個人觀感- 普普通通、中規中距
經歷過程- 求診病人實在太多，等候需時
推介意見- 在無其他選擇下可一試

經歷詳述:
其實男人老狗，我不嬲都唔太著重外表。但塊面同身都開始越嚟越多粒粒，起初我都大安旨意無理。最近連眼皮都有，攪到眨眼都覺得唔自然同唔舒服。最後就的起心肝去搵醫生睇，經朋友介紹我去睇唐碧茜醫生，診斷我眼皮、面及身體的粒粒係扁平疣。原來疣係病毒會傳染，唔怪得我越嚟越多，越嚟越大粒，我之前仲以為係癦屎。

之後唐醫生以激光幫我去除啲疣。雖然我啲疣數量唔少，但唐醫生都好有耐性同細心咁幫我妥善處理。即使我係一個大男人，但一聽到用激光，我個心都有啲怯會唔會好痛呢？尤其眼附近嗰啲。但經唐醫生深入淺出咁詳細解釋後，我個心都定啲，而唐醫生手勢亦都好好，細心又溫柔，眼皮啲疣都做得好精準。整個激光治療過程我都唔多痛。而家啲疣都清晒，又無疤痕。同事見我做前做後嘅對比，而且見我成功claim到保險，都問我send醫生卡片攞脫疣醫生推介。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
由細到大皮膚都唔係特別好，加上疫情，差唔多戴咗口罩三年，搞到面部皮膚好敏感。成日都好易紅，有時吉吉痕痕，有時會發滾，面部皮膚粗糙咗，圍住下巴成日都有啲粒粒。搞到心情都好鬱悶，好炆憎。

初初以為係濕疹，我搽咗濕疹藥膏好似好啲，一停藥就變本加厲。成日諗住疫情過後唔使戴口罩，皮膚就會好返，一直拖拖拉拉。

好彩之後同事介紹我睇唐醫生。佢好耐心聽我講我嘅病徵，檢查之後原來我係玫瑰痤瘡。佢詳盡解釋生活上細節有乜嘢要避忌，又叫我停晒所有類固醇藥膏。唐醫生好仔細咁解釋搽藥膏、食藥丸、做玫瑰痤瘡血管激光嘅好處及風險。由於我個肝唔係幾好，我唔想食藥。於是唐醫生處方非類固醇嘅玫瑰痤瘡藥膏。我唔想再拖，請唐醫生安排之後做血管激光。

做激光期間一啲都唔痛，做完當日返工見人完全冇問題！

搽咗藥膏，做咗幾次血管激光之後，面部皮膚真係大大改善咗！完全冇痕癢，冇以前咁易紅卜卜，皮膚好似滑咗咁。最意外收穫係，連啲陳年荷爾蒙斑好似都減淡咗啲啲！皮膚好咗，而家豁然開朗咗！

題外話：唐醫生好斯文認真，但係都幾搞笑。我問佢我做完激光係咪會好似你啲皮膚咁好？佢話：我呢啲係化妝品喬裝再戴口罩遮住，返咗屋企個樣冇人認得㗎！

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
睇過唐醫生2次，都係好友善，會仔細解釋病因及治療方法，雖收費唔平，但如果再有皮膚問題會再睇佢。
第一次：濕疹、蕁麻疹及疣問題，全臉及前上半身脫疣報價兩萬幾，最後冇搵唐醫生脫，但濕疹搽完藥膏有好轉；
第二次：玫瑰痤瘡、濕疹復發、蕁麻疹問題。唐醫生知我有好多for濕疹嘅補濕cream, 佢冇再開保濕膏俾我慳返啲藥費，另外因為我蕁麻疹係壓力引起，唐醫生知道後安慰我，我忍唔住喊咗佢都不斷安慰同鼓勵我，好nice👍🏼 玫瑰痤瘡搽咗個零星期藥膏已有好轉，佢開嘅藥都有效嘅。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor