註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
爸爸做地盤多年，雙膝已變成O型腳，行路都會好痛，經朋友介紹去見何醫生，何醫生好有心機講解退化等成因，亦教導我們日後要如何避免過度用力，令膝頭再有負荷而加重受傷問題希望可以暫時緩解膝痛的問題。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

經歷詳述:
媽媽因為坐骨神經痛 經朋友介紹去睇何家棋醫生
其實之前媽媽睇過另一位雷XX骨科醫生 那位骨科醫生只安排做呢樣檢查果樣檢查 打d唔知咩針 催逼我媽去醫院打什麼幾萬蚊唔知有無用嘅腰骨神經針 又不願多解釋報告內容

何醫生完全係另一回事 他好詳細解釋報告內容 加上做D檢查及問症 好快就得出我媽脊骨嘅三個問題 他還仔細分出及解釋三個問題嘅嚴重程度及處理次序
詳細解釋每種治療嘅好處壞處及預期效果
呢次診症何醫生花了超過45分鐘 即使報告嘅檢查（x光， 磁力共震及骨質疏鬆檢查） 全部都不是何醫生安排做 但何醫生能夠毫無保留地解釋 他亦沒有強推做什麼治療手術 佢甚至建議可以考慮係公立醫院做

所以何醫生絕對係一位有經驗 有能力 最重要係有醫德嘅醫生
另外何醫生診所的護士們亦好有禮貌好親切
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
話說新年果排係屋企企係木凳上面執下櫃頂，點知就失平衡跌倒，果陣下意識用左手諗住卸下力，點知左手落地果刻痛到我標眼水。第二日係屋企附近睇左個骨科，照左張X光，話左手手腕落小小既外側見到舊骨有少少骨烈，果位醫生就開左啲消炎止痛藥同俾左個掛頸果種手托俾我。

但過左一個禮拜到，隻手就越來越痛，最後真係頂唔順喇，自己上網搵左係公司附近既何醫生，帶埋啲片就去搵佢睇下我咩環境。何醫生了解左我整親既情況後，又做左啲測試，叫我揸揸拳頭，動下手指咁，最後建議我照多張X光片同岩岩整到果陣對比下，點知一睇新果張片就發現大鍋喇。本身條烈痕變到直頭條骨真係分開左，兩邊係錯左位，何醫生建議我做手術，我都好擔心，同屋企人同公司商量左之後，好快就決定左要做手術。手術就唔係好耐，一個鐘到都搞掂。訓左晚醫院，何醫生第二朝黎睇我，同我仲有我老婆詳細交代左手術後要留意D咩，當日下午就俾我出院。岩岩做完手術頭兩三日傷口就有啲輕微好似損左咁痛，不過過多幾日埋晒口之後都唔痛喇。

到依家都成三個幾月喇，我係開頭果兩三個星期先覆診左三次到，每次去照張X光睇番條骨點，幸好恢復進度唔錯，物理治療都係做左兩至三次次到。我而家都可以打返golf，不過拎重野就仲未敢住喇，因為何醫生由手術前開始之前到每次覆診都千叮萬囑我，做完手術之後幾耐可以做咩，幾耐唔可以做咩。問心講句，真係第一次見有咁細心對病人既醫生，有問必答。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
我已經膝頭痛多過5年，試過中醫針灸推拿各種方法都無效，我知道只有做手術才有機會醫好，不過聽人講手術風險高令我好怕做，但經過何醫生細心分析好處壞處後，我決定喺12月做手術，手術傷口比想像中細，痛楚比想像中少，以前變彎的腳重新變直，我可以重新行路，不再需要食止痛藥，希望各位有膝痛的同路人盡快得到合適的治療
簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇

經歷詳述:
之前左手手指好痛 , 睇咗屋企樓下個醫生後...以為好返...但點知一停咗藥又再痛 , 經朋友介紹下睇咗何醫生 , 先知原來係彈弓指 , 何醫生解釋得好詳細...佢話可以做物理治療 / 手術處理...但因為工作關係...所以最後我都係決定做手術...而家手指完全唔痛喇....
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor