註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
對手有幾粒疣，其中一粒都幾大幾厚仲成日痛，但因為驚做手術所以一路都唔敢睇醫生，後來有個同事睇過屈醫生話佢好好人同細心，所以的起心肝去睇下。

醫生建議我做冷凍治療，佢解釋得好詳細喎，個過程同之後既護理都講得好清楚，佢話有機會要做幾次先清到，咁我有心理準備，但點知到最後只係做咗兩次療程就攪掂咗，確係有啲喜出望外，真係要係度多謝屈醫生。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 不可多得，值得等待

經歷詳述:
皮膚科醫生我睇過好多，
令我印象最深刻，又咁好既醫生我真係第一次睇，
係M8面膜未出新聞報導出事前，我同啲同事買了好幾盒來試下，( 本人是日日用面膜的人 )
誰不知，用到一個星期左右，右邊面突然間起了好多
從未如此有咁多的粒粒，起初以為是屋企有野咬。。
睇左一個以後睇開皮膚科醫生，用左藥膏，係控制到，但係又會係搽左藥既旁邊起了好細點既粒粒，好痕，
上上下網見到呢位醫生，見到好多評語都好好
就去試下，
醫生會好主動問我關於敏感狀況的問題，又會上網找一些圖片再次問我有沒有出現過類似圖上的狀況，
我又同E生講左係我用左咩野敏感，我都係抱以希望的心可以好番，開左2種不含類固醇藥膏比我，同一種抗敏藥
好耐心地告訴我如何去用
到付錢後，E生突然出現原來是再3提示我如何去用！如此好的E生那裡找！
收費約$1100！本人認為收費非常合理: )

3月5號，第二次覆診，用了一星期藥，情況明顯好轉了，只得番啲印，E生今次和上次一樣，也是很有耐心，還說今次開了去印的藥，如果好了很多，你看看情況有沒有雖要再覆診，情況好了不用覆診也可以！
我已經推介給身邊和我一樣的同事，因為我們集體敏感，以後不會再亂用護膚品！
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

經歷詳述:
下身常常痕癢，之前看過幾次家庭醫生，但化驗過都說我並不是有菌發炎，試過食藥搽藥但都係唔好。後來醫生認為可能是皮膚問題，建議我試下睇皮膚科，為免尷尬，所以要搵一個女皮膚科醫生，上網SEARCH 後因時間地點適合所以我睇咗屈醫生

屈醫生好詳細咁問我既病歷，而且好細心咁睇晒我用過既藥，雖然佢唔係婦科專科但做檢查既時候都好專業，令我唔覺得尷尬同唔舒服。醫生話我係神經性皮炎，開咗啲藥膏俾我搽，搽咗幾日我開始覺得情況好轉了，我打算繼續用藥，下星期也會覆診
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

經歷詳述:
想食A酸醫下暗瘡，上網搵個近嘅醫生開藥點知中伏，9個月療程差唔多每1個半月叫我返去複診次，但係每次講嘅嘢同上次差唔多，係要你分幾次去攞藥，變相除咗賺藥費差格佢仲賺多幾次診金，唔係因為吃A酸要藥紙都唔想睇。去到後期慢慢減A酸dosage已經唔使開藥都要我覆診，講左5分鐘（同上次一樣既野）就收咗800診金，仲想要我繼續返去覆診俾錢佢賺
我每次都準時／早到，clinic唔多人但係都要等半個鐘至45分鐘，真係睇醫生就5-10分鐘
Conclusion : lurk水

簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧

經歷詳述:
雖然未必關屈醫生事
只係打電話預約時間已經令人感到非常不安，咁如果真係上去睇屈醫生，事前咪要受呢位職員咁差嘅態度對待？！
唔知佢係護士定接待員，我都未問完，佢會疊住人講嘢，好似催你快啲約時間咁，之後佢問你咩事嚟睇，我只講咗「本身有皮膚問題，但宜家⋯⋯⋯」未講完已經插嘴，「你只要講係咩病就得㗎嘞」句子都表達唔到佢嘅語氣係幾唔尊重人嘅表現。
唔係想打爛你飯碗，但你呢啲態度，真係令人感到卻步
基本禮貌尊重都冇，就不如唔好做啦

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

註冊專科分類

睇醫生網 Seedoctor