註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
《伍醫生很好，reception 很差》我自己睇過伍醫生覺得佢好細心，咁我就幫我老公約啦，一開頭用WhatsApp約嘅，我留左信息，姑娘就打比我，咁我同佢講：「我係幫屋企人約嘅，咁留我個電話有無問題，定係留返屋企人電話？」咁姑娘話：「唔洗㗎啦，留你個電話都OK。」咁就約咗7點喇，我講明要約伍醫生的，約完佢就send咗WhatsApp嚟confirm約咗7點，同埋醫生收費，咁我哋今日就去啦。

跟住我地6:50去到啦，咁我哋就話約咗伍醫生7點，咁姑娘就話填表啦，同埋出示身份證啦，咁我哋咪填表，俾身份證，跟住姑娘只問係咪經whatsapp book, 我話係但都電話confirm 過，冇再問啲咩喇喎，咁我諗住都講咗約咗伍醫生7點啦，咁佢應該知道㗎啦⋯⋯

咁跟住等啦，我諗等左三四個字或者半個鐘頭到喇，咁我哋入去，係另外一個醫生/姑娘，初頭以為係幫醫生問啲前期問題喇，點知唔係喎，佢準備洗牙喎。跟住我就話唔好意思，我地係約咗伍醫生㗎喎，跟住佢就話姑娘無remark, 咁我哋就出返去啦，Reception姑娘完全冇問我喎。佢就喺入面呢，竊竊私語啦，我聽到佢話我哋係白撞呀，冇booking呀，個姑娘竊竊私語完走出嚟啦，我同佢講：「我係約咗伍醫生7點㗎喎！」跟住佢話：「你哋都冇講電話，我搵唔到你booking喎！」咁我話：「你都冇問我電話，我地一黎就話約左伍醫生7點，suppose 唔會有好多個人book伍醫生7點掛，咁你唔問我以為你知㗎啦！」咁跟住佢又要我出示WhatsApp嘅booking俾佢影相喎，跟住我咪出示返比佢影相咯，同埋個問題係我有係電話約㗎喎，講電話嘅時候已經講左係屋企人睇嘅喎，佢仲話唔洗留屋企人電話㗎。

跟住咧，佢一直就話，揾唔到booking呀，話要check下就冇應我啦，咁我哋又等等等，等咗成個鐘喇。咁因為我都忍唔住走過去問幾時先到我哋咧？你搵到我地booking未呀？佢先話：「搵到了，我搞錯咗！」咁跟住我就話：「咁你搞錯咗，有冇同我say sorry呀？」跟住佢就話：「咁唔好意思，話醫生清潔埋就到你哋㗎喇！」跟住我話：「成個鐘啦，我啲時間唔係時間呀，不知所謂。」

跟住我入到去同醫生投訴啦，伍醫生話會跟下啦，跟住我話嘥氣啦，肯定係另外一個version，因為成件事喺出邊已經幾個version啦，一開頭又話我哋冇講電話，又話冇我booking，跟住又話係同事搞錯，跟住最后先係佢自己搞錯，已經係勁多個version咯。

今次睇完，伍醫生話仲要4次療程，我地俾左5千同即時約左下次，但今次約下一次都冇WhatsApp confirm啦，會唔會下次佢搵唔到我哋Booking又話我哋白撞架，有d擔心⋯但又唔想重頭睇過第二間⋯⋯

其實一開始見電話唔同，個姑娘問多句就無問題喇⋯ 我哋話約咗伍醫生出返嚟坐嘅時候，都應該跟進喇，唔係同另外個姑娘喺話我哋白撞呀。如果一開頭見我老公個電話你check唔到，咁你都唔應該畀我哋睇啦，點會求其俾個位我哋㗎，應該一開頭就問我哋係咪落呢個電話booking啦⋯⋯好長篇，大家自己衡量喇！伍醫生係好好的，我之前青衣睇開，都介紹了好多家人朋友睇⋯希望伍醫生知道佢姑娘有幾差⋯
簡評:
個人觀感- 醫術精湛、鉅細無遺
經歷過程- 醫護之語調態度令人無所適從
推介意見- 可能人夾人緣自己衡量

經歷詳述:

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
昨天開始牙肉腫痛，今早起床左臉已腫起來，因已幾年沒睇過牙醫，一時間唔知揾邊間好，係網上查到彤心啲評論好似ok,就走去睇吓。姑娘話見㗨生要早幾天預约，但我臉腫起一舊實在等唔到幾日咁耐。。。结果姑娘非常好人叫我等吓攝空檔。先影X光，等左半個鐘左右已可以見醫生，醫生好詳细友善講解我既情況，牙周病，牙凔，補牙，植牙，脫牙都比左意見，令我了解自己情況。(我啲牙真係有咁多問題，我本身都知)因要做的有點多，先脫2隻牙，其他分次再做。脫牙$700一隻，有打止痛針，我其實好怕見牙醫好怕痛！今次脫牙可以接受到，醫生護士都好好安慰我，最後有5日藥，只收左2隻脫牙錢。我已預約下次再見醫生，感謝醫生、護士、姑娘！

簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 已視為本人的必然選擇

經歷詳述:
經朋友介紹今日去咗伍醫生診所種牙 因為之前幾個朋友都係伍醫生幫佢哋種牙既 感覺都幾好因為我冇咗大牙好耐不嬲都想鑲返好佢 純粹係一路都好驚痛所以唔整住 見佢哋幾個做完都冇乜事 終於約咗時間去睇
今日見到醫生我一開始就同佢講話想整返好啲大牙 伍醫生就同我仔細檢查左個口同影好晒X光片 始終係人生第一次所以都好緊張 都擔心手術做得唔好就大件事
雖然伍醫生係開始之前都好清楚同我解釋左整個過程同埋細節 不過我都好緊張 一路做醫生可能見我一路手震 佢都係咁問我有冇痛 其實由麻醉去到搞掂都係10 幾分鐘 但可能我份人真係比較緊張同始終係第一次 所以都有啲震震下
做完之後我唔醫生請我去影咗啲X光片 再同我解釋返張X光片入邊牙樁嘅角度同埋位置
佢都好滿意咁同我講話位置放得幾好 而家我就安心慢慢等支樁生實就搞掂！
而家過咗麻醉傷口都冇乜痛食嘢都冇問題 希望快啲可以整返好啲大牙啦😄

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
啱啱係大牙生牙瘡，都拖咗兩星期唸住都凶多吉少，到最後真係要拔牙，牙醫好用心講解時間多過拔牙時間，幾分鐘就搞掂。當然最後都討論後續治療方式，都好用心講解，真係辛苦醫生姑娘即刻可以俾我位我睇。
即刻book時間，即刻有得睇 重要近地鐵站 一出就係，又係地鋪，方便過你去其他上樓牙醫睇

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 不可多得，值得等待

註冊專科分類

睇醫生網 Seedoctor