註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我係上一篇評論的作者，之前講過對鍾有不滿，但都會繼續睇，早前約了下星期再去做檢查，誰知今日收到姑娘電話，話上次醫生見我見得唔係咁開心，所以唔再為我睇症。咁嘅醫生都係第一次見，自己情緒不穩，無故教訓孕婦，令人不快，仲可以小器及記仇至唔再同人睇证，性格都好有問題。之前咁多人好評佢，或者果d真係會搵埋佢接生的大客啦。其他去返公立生的，唔想無原無故踩中佢條尾都唔知，要受佢不尊重對待的正常人，都係千祈唔好去睇佢。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
第二次去做産檢，對鍾的態度好失望！
因我身體有點變化，向鍾提出，佢一時話問題不大可不理，一時話開藥俾我試下，我都唔知點好，諗起之前上網查過，話懷孕早期唔應該用藥住，以免影響胎兒的說法，就向鍾提出。佢自己神經過敏，以為我想挑戰佢，一聽完好大反應，用好重語氣教訓我，說話重重覆覆指我不應相信網上資料，又叫我鍾意就再搵多幾個醫生問，又話唔想同我討論，其實我只係好單純咁向佢提問，絕冇唔信佢嘅意思，更加唔係同佢討論，因為當時只有佢講冇我講，我中途想打斷佢嘅說話都俾佢大聲壓住，我只有無聊咁等佢講完為止，不過佢中途都提過知道孕婦為左胎兒都較多疑，既然佢知，就算佢真係覺得我嘅疑問得罪佢，作為醫生，都唔應該咁失態咁同病人計較，尤其我係孕婦，情緒都可以因為佢嘅說話而受負面影響的！
但念在佢收費合理，又唔洗等，以後都會再去照超聲波，不過諗定到時乜都唔好再問佢，眼都唔好再望佢就算！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量

經歷詳述:
很好很仔細照bb超聲波,感覺醫生很細心
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
由於下體痕癢及少量出血 就打算睇婦科醫生,,但唔知邊到有 咁就上網搵啦~
係搵到鍾醫生之前 其實搵到其他較出名既婦科醫生,但評語全部都好壞參半,由於我第一次睇婦科所以我都幾擔心...
搵到鍾醫生時發現佢評價雖少 但全部都係好評 咁就決定預約呢個醫生啦!
打去預約時,姑娘已話我知新症必收$650 包超聲波 另收藥費,,咁我都覺得正常 專科麻 咁就Ok左~
今日我提早左半個鍾上去登記,,無乜人 姑娘亦都幾有禮貌 咁等3個字到,3個字入面做埋量血壓 磅重
到我既時候,,其實都幾驚架
但鍾醫生個樣好Nice 唔會話好呆好惡(個樣同張相一樣xp) 一黎就問我,邊到唔舒服呀?
我就講晒出黎啦,緊張時講野又有D亂 但鍾醫生都好幽默,捉我語句 搞到我放鬆晒笑晒
到檢查同照超聲波時,,姑娘講野好溫柔 唔會好惡死個D
醫生都話::可能有D痛架 忍一忍 如果覺得好唔舒服就講
啦
檢查完醫生都同我解釋一輪 講埋D藥呀個D點用 我先出去,,
唔會話好急好趕叫你走 所以我覺得禮貌方面真係好好
而且醫生講野會令人覺得好輕鬆 唔會好嚴肅,解釋又詳細 我唔明問到明 佢講野會解釋到我了解清楚為止
最後出黎再等一陣就拎藥俾錢走啦,唔會好耐~
埋單800,唔算貴 知道自己邊到唔對路又搵到個好醫生,咁既價錢 值得既!
最後非常多謝鍾醫生 仲要多謝係到寫醫評既人,,因為你地我先可以搵到個好醫生=)
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 已視為本人的必然選擇

經歷詳述:
仁心仁術,細心,有耐性,不可多得
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 不可多得，值得等待

註冊專科分類

睇醫生網 Seedoctor