註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
約3點準時到達，首先是姑娘同我傾想改善的問題，然後姑娘幫我敷麻膏，以為江醫生入黎幫我打針所以抹咗我的麻膏，但姑娘叫我等江醫生入黎幫我做輪廓分析，等到江醫生分析完都4:45，然後姑娘又幫我敷多次麻，敷敷下已經5:00唔對路，我之後都有野做架，2個鐘facial都做完出黎啦，咁我就自己抹咗佢走人。
因為走咗所以未能評論醫生手勢如何。上到去嘅環境並不是診所，而係美容院形式，姑娘都有種好hard sell嘅感覺，比較像美容顧問。
事後姑娘仲打返俾我問我夜晚黎唔黎到，話攝個位俾我優先，咁即係夜晚有其他應診者約咗又要白白等你地？
覺得佢地毫無時間觀念，安排得好差，客人d時間就唔咪時間？
簡評:
個人觀感- 診效不顯、收費不稱
經歷過程- 求診病人實在太多，等候需時
推介意見- 本人絕對不會再作光顧

經歷詳述:
我想處理凹凸洞的問題，之前幫襯的美容中心說好快見效，但我皮膚只有一直(等)，所以我本着心灰意冷的心情嘗試找江醫生，他很詳細，很專業地幫我分析及解釋凹凸洞過中的問題，而且很周詳地安排療程，令我的皮膚重見天日 :） 重拾自信心!
解開我的憂慮……而且佢地嘅姑娘亦會教我如果處理療程後的皮膚，絕不馬虎~值得一讚!多謝江醫生!
簡評:
個人觀感- 經驗豐富、絕不拖症
經歷過程- 求診病人實在太多，等候需時
推介意見- 已視為本人的必然選擇

經歷詳述:
我以前因為受過傷，皮膚復合後有增生性疤痕
之前有試過睇過其他醫生，都只係搽藥膏 冇什麼大作用

見過網上好多介紹，疤痕也可以做激光修復
經由網上嘅途徑 我找到了江醫生，因為睇醫生嘅過程100分既好，所以都要評論一下 俾個讚👍🏻

第一次去江醫生到嘅時候，醫生診症時好詳細咁同我分析疤痕既成因，將會點樣處理，分別要做什麼療程 例如：要用分別各項的激光，是否需要用透明質酸填充，塗藥膏修復及疤痕針注射 ，療程要幾耐會見到效果，一一詳盡地同我分析，非常全面及透明，在進行療程嘅時候 姑娘同醫生都非常細心，一邊做一邊講解所做嘅程序，等我可以知道療程嘅過程及療程前後有咩嘅注意事項

覆診的時候，姑娘會先幫我跟進下疤痕恢復的進度，改善效果對比及稍後療程需注意事項 ，在進行療程前醫生亦先會詢問最近的身體狀況及有沒有什麼不適，
在療程中不時會講解 進行中的療程是什麼，對修復疤痕有什麼作用，並講述將要做的激光療程、填充療程及注射事項，
療程後 亦會觀察及諮詢有沒有什麼不良反應(很細心），安排藥膏 給我回家塗抹

現時為止，我的疤痕已經明顯平復，現在只需定期保養就可以了，這是我非常好的體驗，雖然各項激光 很繁複，但是有姑娘及醫生的講解，令到我十分信任及安心，價錢合理公道，醫生及姑娘十分用心，講解清晰，透明度高，最緊要見到效果。

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
江醫生十分詳細解釋療程內容 會提供好多建議 不過名大於實 療程完咗完全唔覺有咩改善而且收費亦不便宜 建議小說話多做事

簡評:
個人觀感- 診效不顯、收費不稱
經歷過程- 醫生會清晰明確的講解其病情
推介意見- 可能人夾人緣自己衡量

經歷詳述:
今日第一次睇江醫生 第一次睇咁耐醫生😂 江醫生真係超有耐心 超詳細 超盡責
耐心咁同我分析輪廓既美感 解釋會有咩風險 療程又點做 會有少少痛呀 做完又會點 效果又會點
真係極具分析 詳盡又詳細
做每個步驟都同我講 解釋俾我聽
令到我唔會傻傻更更 乜都唔知 緊張冇晒 安全感倍增

本身我係網上見到人地介紹佢 然後我再慢慢search佢睇完人地對佢評價 見到都有好多人讚佢手勢好 又細心，之後先 ［的］起心肝 打去卜時間去睇 真係無揀錯！
之後發現網上都好多人識佢 原來我身邊都有朋友係佢個到做療程 呵呵！一個咁盡責又細心嘅醫生唔怪得知咁多人識啦
不過多人識 人就紅 就自然多人評論嘅 見到啲人係到寫3寫4 ，睇醫生啫 睇得好就得啦。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

註冊專科分類

睇醫生網 Seedoctor