註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
話說奶奶白內障, 去左睇某名醫(唔開名啦😒), 名醫話奶奶唔只有白內障, 仲有嚴重的角膜退化, 所以個白內障手術好難做，手術費亦比正常價錢貴好多! 我老公同佢幾兄弟姊妹商量後, 雖然都勉強負擔到手術費, 但名醫態度惡劣，非常不耐煩，好似問多句都嫌我地煩，浄係叫我地決定好就搵姑娘排期做手術，所以我地決定睇多個醫生攞多個意見。。。

之後奶奶去左睇劉大立醫生, 劉醫生都確定奶奶係有角膜退化，但佢好有耐性好清楚咁講解俾我地知奶奶既情況，佢話有啲手術方法可能可以幫奶奶減低手術後角膜水腫既機會! 而且劉醫生明白我地有經濟負擔, 個白內障手術只係收左一般普通白內障手術既價錢! 最後奶奶個手術非常成功! 而家佢對眼仲好到可以穿針車衫! 奶奶非常開心! 劉醫生真係醫術高明, 澤心仁厚既仁醫!
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇

經歷詳述:
幾年前確診糖尿上眼, 但由於當時睇野冇乜影響, 而醫生亦都話我算係初期, 所以我冇定期去覆診。

但係三個月前突然有日兩隻眼睇野好蒙, 即刻去左睇急症, 醫生診定我患上急性眼底出血, 好大機會同之前既糖尿上眼惡化有關，醫生話要即時做手術, 但唔知有幾多成機會可以復原!

經朋友介紹去左睇劉醫生, 劉醫生好清晰地同我講解左個情況, 佢有信心做一個稱為"玻璃體"既手術去洗走d於血再用激光去鞏固可以幫我回復視力! 最後手術非常成功! 我睇得返野! 真係好多謝劉醫生!!!!!
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介

經歷詳述:
兩年前突然之間睇野彎曲變形, 當時好驚, 唔知係咪長時間帶contact lens引致.. 我男朋友即刻叫我去睇劉醫生, 因為佢媽咪之前搵劉醫生做過白內障手術, 未來奶奶讚到劉醫生天上有地下無! 經劉醫生做過檢查後, 診斷我患有出血性黃斑病變, 劉醫生話我需要即刻接受治療, 如果唔係手尾就會好長, 佢建議我做激光手術同打一d抗血管生長針。因為男朋友一家都好信任劉醫生, 所以我無半點猶豫下就接受左劉醫生建議既治療方法。結果治療成效非常好, 我既視力完全恢復正常!! 因為近期有同事問我拎劉醫生既資料, 無意間發現左see doctor呢個網站, 終於有機會俾我公開讚揚劉醫生啦!!!!!
簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 值得向有需要人仕推介

經歷詳述:
本人於政府醫院確診濕性黃斑病變, 醫生話我需要打針, 但要排兩個幾月... 呀仔怕我等多兩個月情況會變差, 於是同我去左睇劉醫生。劉醫生話我眼底水腫又出血，不宜再拖延。現在前後共打了三針，劉醫生話我眼底的水腫同血都散哂，視力回復返超過9成！好慶幸搵左劉醫生幫手！值得一提的是呀仔因為工作原故不能每次都陪我去覆診，我返去又唔識得講, 所以呀仔會打電話俾劉醫生了解我的病情，劉醫生每次都很詳細咁同呀仔講返！ 唔似其他醫生,問多句都好似浪費佢時間！劉醫生真係一個好好的醫生!
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 不可多得，值得等待

經歷詳述:
本人為IT技術員, 因為工作關係經常機不離手. 大半年前有日返工其間突然睇野見到重影, 原本以為只是望電腦太久/休息唔夠. 但之後情況持續. 在其後的三個月, 我睇左好幾個公司保險cover到既醫生, 最後一個醫生話我患左黃斑前膜, 要做手術, 但係講唔到我做完手術之後, 視力可以回復到幾多. 當時好擔心, 因為自己係家庭唯一經濟之柱.

經係政府醫院做姑娘的親戚介紹下, 我去左睇劉大立醫生, 因為親戚話劉醫生係佢見過既醫生入面同病人解釋得最清楚, 可以深入淺出令病人清楚了解自己的狀況同治療成效. 經劉醫生檢查後, 證實我的確患有黃斑前膜. 如親戚所講劉醫生的確講解得好清楚, 令我對他好有信心. 最後手術好成功, 我的視力恢復左9成!! 現在工作無受到影響!! 好多謝劉醫生!!
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor