註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我並唔介意公開自己有抑鬱症,好多人以為這病很普通,仲會話點解要自殺咁愚蠢,但係你地唔明當中的痛苦,我響十幾年前有此病,當時得到某間醫療中心的醫生和護士悉心醫治,還記得護士叫Joan(如串錯字請見諒),因她每次也很清楚解釋每一種藥物,還提醒我要準時食藥,唔夠兩年已經完全好返,但大約六,七年前,呢個病復發,我知郭醫生已開設自己的診所,護士Joan也跟隨他到診所工作,因當時經濟情況唔好,他知道了,便即時為我寫了轉介信到政府醫院,他還叮囑我每次看完醫生便到他診所,原來他想知政府醫院的醫生開咩藥物,政府主診醫生點樣醫治我,我講出事實,每次覆診等1,2個鐘就少不免,但入到去見醫生,可以1分鐘內完成,次次如是"咩名","呢排點","照開返藥比你",3條問題,我明白因太多病人,有一次我情緒非常唔穏定,打電話提早一星期覆診,入到去見醫生,我好有禮貌問,醫生你可唔可以比幾分鐘時間我講野,當時我滿面眼淚問:我想問房屋署,未講完佢已經話房屋處唔關佢事(其實我想問房屋署申請公屋需唔需要轉介信)再問:福利署,我依然未講完,福利署都唔關我事喎,跟住就print返張覆診紙比我叫我去搵社工,我問,我情緒咁激動,你係醫生唔擔心病人架咩,佢話唔覺你有事喎,有咩好傾,死心了,以後都唔問,鬼叫自己經濟唔好,由病發起至今,病情越來越差,而家仲要定時吃藥覆診,如是者,每當我覆診完就到他診所,他同我傾計,開解我,當時我都覺得唔好意思,每次去到他診所,他知道我黎到,同以往一樣,經過佢開解,心情轉好,診症室內有閉路電視,每次我睇到有其他病人響出面等,我都唔好意思講,出面有好多病人等緊,但他說唔緊要,政府醫生幫唔到你,我希望幫到你,我見過他5至6次,最後一次他還和我傾左半個鐘,外面依然有病人等緊,後來,我覆完診都無再去見他,因為我覺得浪費他的時間,每次見面,他從來都無收錢,呢個醫生真係非常有醫德,他唔係為錢而幫助你,我永遠也會記得他的好,護士的細心,應該值得表揚呢位好醫生,就算傷風感冒,他都好細心診治,他的名字叫 " 郭心諾醫生 ",而家想搵個好醫生真係難,但郭醫生的醫德和細心,令我十分讚賞,感激 ~~
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
我覺得醫生真係好好
好詳細教我除咗食藥之外，可以點樣去到醫呢個症
我覺得佢真係好細心，好有耐性，好願意花時間喺每一個病人身上，唔會快快咁叫你走，真係好好，好鍾意睇佢
收費算平，護士都幾好，唔會話冇禮貌態度唔好，我覺得佢態度幾好

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
郭醫生系一個好好嘅醫生。好有耐性。又好識逗小朋友開心。但系姑娘的態度就麻麻哋。黑口黑面。
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
只能夠說 平，靚，正

平 : 專科既診治同藥物

靚 : 藥物係最新最有效

正 : 絕不孖虎，耐心聽耐心解釋

睇咩症都得，特別情緒科，平民都醫好。


簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
醫生好不在話下，細心亦會返睇病歷，亦有豐富經驗支持母乳。至於四眼姑娘，咁多年嚟我都覺得佢好Nice, 有時問佢野同有特別要求佢都好幫手。絶對未見過其他訪客提及的態度喎！我亦見有好多求診人同佢有傾有講！
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

註冊專科分類

睇醫生網 Seedoctor