香港睇醫生網首頁

霍麗玲醫生

Dr FOK LAI LING, NANCY

註冊專科:
 [ 婦產科 ]
Tel:
2367 2898
地址:
九龍尖沙咀漢口道28號亞太中心
專業資格:
香港大學內外全科醫學士 1972
英國皇家婦產科醫學院院士 1978
英國皇家婦產科醫學院榮授院士 1990
香港婦產科學院院士 1988
香港醫學專科學院院士(婦產科) 1993
提供醫療程序及手術:

其他資料:
收費:

緊急服務:
無
診症時間:
使用醫院或其他服務診所:
診所以外提供的服務:

霍麗玲醫生

  # 39308
 報告:
• 診症日期 : 2024年8月2日
• 求診目的 : 專科治療
• 診金收費 : ~ $ -
• 輪候時間 : 需預約等候片刻
• 選尋原因 : 其他網絡途徑
總評 1 / 10
專業態度 :
 1
對症下藥 :
 1
診金合理 :
 1

霍麗玲醫生 - 尋醫經歷詳述:

電話預約已表明是用醫療卡的, 登記時姑娘只問攞身份証, 問我睇過未, 未睇過就在白紙上填個人資料, 之後叫我坐低等。

臨到我睇前, 個姑娘見到隻曱甴, 叫醫生出來捉。醫生竟然無戴手套出來, 捉咗隻曱甴去丟, 其實都幾噁心, 因佢接住幫我做檢查。

攞藥時姑娘要收錢, 我先醒起我未俾醫療卡, 同姑娘講返係用醫療卡的。護士話睇咗醫生無架喇, 仲只可收現金, 要收我張身分証叫我去提款。我問姑娘可唔可以照做返, 都係啱啱睇完, 未出門口, 佢好強硬話唔得, 我話平時睇親network dr, 登記時姑娘都會問我係咪用醫療卡的, 佢就更加起晒剛。

咁我行去撳錢時, 順便打去保險公司查詢返呢個情況, 個職員話姑娘照攞返approval就無問題, 張Bill都未上, 仲叫我唔駛撳錢, 上返診所等啦, 佢會搵同事打去診所講返。

我上返去同姑娘講, 話保險公司話可以做返的, 佢會打來診所。姑娘態度勁衰, 話無收過電話 , 話醫生話唔俾。 我再打去保險嗰邊, 最後得到既答案係, 如果診所堅持唔肯, 咁都無辦法。

醫生當然唔想啦, 用醫療卡賺少啲, 收現金又唔駛報稅。都唔知醫生係咪特登叫姑娘唔駛問攞醫療卡的。

我都係經network先搵到佢, 一肚氣之後seach吓呢個醫生, 先見咁多劣評, 唔怪得即日約都仲有位啦。


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

霍麗玲醫生

  # 38169
 報告:
• 診症日期 : 2023年12月7日
• 求診目的 : 婦科疾病
• 診金收費 : ~ $ 3000
• 輪候時間 : 需預約等候頗長
• 選尋原因 : 朋友介紹推薦
總評 1 / 10
專業態度 :
 1
對症下藥 :
 1
診金合理 :
 1

霍麗玲醫生 - 尋醫經歷詳述:

醫生無醫德，姑娘態度惡劣，尤甚冇頭髮嗰位，問親問題都趕投胎咁答。

先講醫生，網上形容所謂名醫？作為病人都係想求診，呢個霍麗玲一聽到收醫療卡即刻西面，如果係咁把炮有咁多客嘅就唔好join保險公司嘅network，唔好當病人係狗咁呼呼喝喝。
唔講診所環境係幾咁舊，睇醫生過程入面訓係張豬肉咁嘅枱上面仲要叫個病人幫佢拎住化驗棒個袋，冇姑娘在旁，試問個病人已經訓係到仲要練sit up咁起上半身同你拎住化驗棒個袋？ 唔講以為唔係睇緊婦科呀

病人要自己拎住d化驗去第二到驗，診所話唔提供服務，問護士有報告可唔可以通知，護士一句勁無禮貌 "我地冇時間做呢d野架你自己打黎啦 " 就耍走病人，成個過程完全受氣。
化驗收左二千幾蚊，拎報告當日呢個咁嘅醫生純照字面讀左兩個item，問佢點樣可以預防同驗嘅係咩，唔單止冇答仲要串返病人轉頭，問病因，霍麗玲答 "冇得解架喎" ，最後問佢係點食藥法，佢叫個病人自己出去藥房配同問藥劑師，病人問俾錢呢到拎埋藥得唔得，霍麗玲答 "你碌左醫療卡我冇藥俾你，要我寫report俾保險公司好煩，你自己去配 "，再問多次個食法係點想知清楚D啦，霍麗玲答 "如果個藥劑師唔答係佢嘅問題"，就咁了事。

所謂名醫真係得啖笑，可能係出名見錢開眼嘅名醫啦，公立醫生一日接咁多病人D態度仲好過呢個霍麗玲，利申就算用左醫療卡都仲要俾診金架，但換黎咁樣嘅對待。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

霍麗玲醫生

  # 35012
 報告:
• 診症日期 : 2022年4月28日
• 求診目的 : 婦科疾病 不明水狀分泌物
• 診金收費 : ~ $ -
• 輪候時間 : 需預約準時
• 選尋原因 : 本網評譽參考
總評 2 / 10
專業態度 :
 2
對症下藥 :
 2
診金合理 :
 2

霍麗玲醫生 - 尋醫經歷詳述:

內容有點長，希望各位能花點時间去了解此不堪的婦科醫生！
今年21/4号开始有不明水狀分泌物流水，而且縂是有尿意，看了普通科再轉介看婦科。
28/4帶着轉介信去看霍丽玲，轉介信已寫明我的病徵，要求婦科檢查跟進，普通科醫生亦列明他曾處方的藥物。
霍根本没有看深楚信件，就板着臉说，最討壓d人亂開藥给病人吃，又没有寫明開了什麽藥，我於是重申我的病徵並要求作婦科檢查，另外也指了指信上所寫的藥物。她然後好像不愤氣着我上床检查，手法非常粗鲁。年年做婦科檢查從没有這樣痛過！
30/4早上有血，於是打回診所，姑娘说要等下星期才有報告，我说這樣流血有點擔心，姑娘说可能檢查時弄損了，如擔心可上診所配藥，於是配了一星期抗生素。
5/5早上打去诊所，姑娘说抹片正常，沒蟲沒菌就想掛線，但我坚持我的症状没有改善，着她问问霍我還可以作什麽檢查來查明原因。
12/5覆診再表明有什麽檢查方案，於是霍寫信着我到外面化驗所，驗尿種菌及下腹腹腔超声波。霍说应该沒什麽問題，说應該是更年期影响！
26/5再上診所聽報告，霍说一齐正常，子宫內膜沒有增生，子宫內只有一粒懷疑息肉之類，驗尿也正常。
於是我説，那就奇怪，婦科抹片正常，樣樣都正常，但我的症状沒改善还比之前嚴重，何解呢？
到这個時侯，霍説：我没有跟你做抹片。
我说: 吓！我第一次到診時不是做抹片嗎？當時你也插了些組織，而且我打回来聽報告，當時姑娘也说抹片正常呀！(真的好驚訝，原來看症前前後差不多一個月才發現佢連最基本的檢查都沒幫我做)
霍即黑面再重申：縂之我冇幫你做抹片
我说那當是大家誤會，現在補做可以嗎？
霍说：不行，縂之按的ultrasound图片，一切正常，现阶段冇嘢可以做到！唔通要我打开你个肚睇下你嗰粒懷疑嘅息肉吗？
我說: 我情况現在更差，從21/5开始，每朝起床也有淡淡的血。
霍说: 你重來沒提過有血，我说:是從这星期六才開始的。
然後我再提出我的要求，到底还有什麽檢查可以找出原因？
霍说：唯有做刮宫手術来檢查，並事先聲明，這是找原並不是治療，做不做你自己決定！
我说:做一定要做，一定要找出原因，没理由冇源冇故看了一個多月醫生也找不到原因。
後来幸運地經朋友介紹，轉了看另一位婦科醫生，只看了一次就知道原來子宫内膜增生了，子宫底有一個
出血點，而且有一個纤维瘤在子宫和卵巢中间。
馬上安排9/6做刮宫手術。
15/6報告出來说是子宫内膜癌 stage 1,馬上當日轉看腫瘤婦科並於21/6做了子宫全切手術。

希望大家認请楚霍這個所謂專科醫生，真的有愧於她穿的醫生袍和專業資格，十分缺醫德！完全沒有對病患負應有的專業態度！

如果再給她一拖再拖，真的可能後果更嚴重！我已经把我的故事傳給我身邊每一位姊妹，希望大家選醫生時，務必小心！




簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 本人絕對不會再作光顧

霍麗玲醫生

  # 32332
 報告:
• 診症日期 : 2020年8月29日
• 求診目的 : 婦科疾病 子宮病變
• 診金收費 : ~ $ -
• 輪候時間 : 需預約等候片刻
• 選尋原因 : 其他網絡途徑
總評 10 / 10
專業態度 :
 10
對症下藥 :
 10
診金合理 :
 10

霍麗玲醫生 - 尋醫經歷詳述:

因為檢驗出子宮有癌前病變，於是在公司醫療網絡醫生中找到霍醫生。醫生非常細心，令本人感到安心。及後預約在2020/9/23進行抽組織手術，醫生的親切，令本人感覺被充分照顧，減低了當時手術緊張的心情。回病房後，醫生上病房亦給予很大的力量，感覺霍醫生真的很關心病人。2021/2月去覆診，再作化驗。醫生都依舊很關心本人狀況。並會主動建議飲食。霍醫生是一位令人感到安心，值得信任的醫生。


簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

霍麗玲醫生

  # 31547
 報告:
• 診症日期 : 2020年10月30日
• 求診目的 : 婦科疾病
• 診金收費 : ~ $ -
• 輪候時間 : 需預約準時
• 選尋原因 : 其他網絡途徑
總評 1 / 10
專業態度 :
 1
對症下藥 :
 1
診金合理 :
 1

霍麗玲醫生 - 尋醫經歷詳述:

本人對這醫生的醫德和護士嘅態度非常不滿，本人看婦科已超過10多年經驗，從來未遇過這個不知所謂的醫生包括護士這間可算是我見過最差嘅婦科診所，如果尤其是用醫療咭，他們連基本檢查也不願做，轉介我去這不是專業的化驗所做超聲波檢查，本人必須追究到底，向有關部門包括保險公司和相關醫療管理投訴。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧


Copyright©2024 www.seedoctor.com.hk
All rights reserved