求救,胃脹,心臟痛,胃氣脹,有輕微想嘔感覺

病患者男 - 28歲

求救,請問心口和胃部覺得痛不舒服,如果想睇專科醫生步驟係點呢,因為唔太清楚係睇邊一科,
我嘅情況係覺得胃脹胃有氣泡,頂住頂住, 食胃氣藥或者運動之後就會有舒緩,最近有時輕微想嘔的感覺,帶有好輕微頭暈的徵象,有時感覺頸部脹脹的好像有小小被勒頸不暢順感覺,就是耳珠對下頸部有脈搏流動的感覺,令頭部有壓迫感,近幾日心情覺得有點抑鬱不開心,好擔心嘅感覺,平時都會覺得心臟位置會有點痛一分鐘或者幾分鐘,有時會連同左手肩膊痛,同埋近年有時周身痛,但痛的時間不長,大約兩三秒或幾下就消失,對比以往如果有小小撞到或壓迫覺得比以前容易痛咗, 幾個月前因為肚不舒服有胃氣有點發燒,心情好煩亂感覺像抑鬱不開心,去咗醫院,醫生抽血檢查話我普通胃炎冇乜嘢, 同埋好似話白血球多,護士抽血時話我血比較難抽取.要飲多啲水, 我總係覺得身體有事,希望有心人可以解答到我,感謝你,祝新年快樂

另外我想問問如果去醫院醫生幫我抽血檢查的話,通常會查什麼病(大概會有什麼病可以查到)
是否很多病都會查到?
去抽血可唔可以檢查到身體有咩病毒,病菌呢?

麥棨諾醫生回覆:
3/9/2018

Sam你好，多謝你的來信。從行文得知你一直受到身體不適困擾，很是憂慮。

得知其實你已從醫生得到初步的檢查，包括抽血檢驗，結果沒有大礙，其實可以放心。因為一般驗血檢查，都可以大致得悉身體的狀況。若然你仍然擔心，或者身體持續感到不適，我反而會建議你多點留意自己的情緒，因為很多時候，焦慮或抑鬱的情況也會出現很多難以解釋的身體不適狀況。

所以我會建議你盡早尋找一位精神科醫生，作出評估。希望你早日康復

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。