陰道炎復發

病患者女 - 31歲

我同男朋友響上年12月尾開始有性行為，期間冇用安全套，之後1月頭確診有念珠菌，然後再有腸胃炎、尿道炎，尿道炎既藥又令我陰道炎再次復發... 但呢次分泌黃黃綠綠，水水地，但癢痕感唔大，同念珠菌好唔同。
撞正新年，搵唔到醫生睇，終於搵到個女醫生，食完藥情況更加差。之後又去搵婦科專科醫生，黎完M又有相同黃黃綠綠分泌。
我睇返最開初既醫生，佢建議我種菌，報告話係普通菌，食完醫生開比我既藥，我冇曬黃綠分泌，感覺好好。
之後過左10日我扁桃腺有d發炎，醫生開左2隻抗生素比我。中間我同男朋友再有性行為，用套會痛，唔用又唔會痛，但過2日黃綠分泌又再次出現....

究竟發生咩事？我可以點做？陰道炎好影響情緒同生活🙏🏻😢 謝謝

鄧曉彤醫生回覆: [ 3/15/2020 ]

多謝你的來信。陰道炎是十分普遍，而最常見的是菍珠菌以及細菌性陰道炎。他們一般是由於陰道細菌失衡而至，尤其於抵抗力低，傷風感冒，服用抗生素行更為容易復發。典型症狀包括陰道分泌增多，呈現黃黃綠綠或豆腐渣形態，會陰紅腫痕癢。生活習慣上，建議使用綿質的內衣褲，避免使用沐浴露或消毒藥水沖洗下身。倘若症狀嚴重反覆，服藥後亦沒有改善，就可能要考慮做更詳細的婦科檢查，排除其他問題，甚至性病的可能性。

鄧曉彤醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。