不知是否焦慮症，呼吸不順，胸部緊迫

病患者男 - 43歲

本人曾經試過兩次突發性透唔到氣咁，係突然發生，手腳發麻，要冷静個人調整一下先冇事，之後一段時間冇發生，但之前夜晚訓教試透唔到氣扎醒驚醒，但上星期一 16/5 訓落床，合埋眼後慢慢覺得呼吸好短促，想深呼吸都唔係幾得，要企起身冷静下，再坐住訓，但個呼吸已唔順，隔左日頂唔順去左急症室，留院一晚觀察心電圖，照胸部xray, 心臟超聲波，心跳血壓血氧及各樣驗血指數正常，心臟科醫生只叫我下個月門診覆診，但而家每日仍覺胸部好緊，氣喘，呼吸短，易攰，醫院醫生話我可能係胃酸倒流引起呼吸唔順，開左ppi 同Lorans 1mg 俾我，本身呢兩年係家庭管教仔女有好多壓力，好驚太太鬧，好驚阿仔入唔到好學校，好驚家庭經濟唔好，成日凝住自己有病不停上網search資料，好驚自己有絕症，有時好煩，躁疫情期間成日自我檢測驚中招，我唔知自己係米精神問題影響呼吸唔順，呢幾日一入浴室沖涼，搭升降機，同埋入戲院睇戲，尤其入戲院熄燈果一刻個人唔知點，都會呼吸唔順胸部壓迫，要慢慢調整呼吸先好D，我唔知自己夠竟係生理定心理出問題

簡重盛醫生回覆:
5/29/2022

關於你所形容的2次突發性身體不適，應該是驚恐突襲(panic attack)，但是急症科醫生有必要排除心臟方面的問題。所以你應該是患上焦慮症或驚恐症，請在覆診期間要求轉介精神科或心理科服務，又或到私家精神科專科醫生/臨床心理學家接受治療。

祝安康!
簡重盛醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。