飛蚊症

事病患者男 - 23歲

發上星期,我工作期間突然眼前出現一堆好似透明蟲咁既野,成個畫面都係,會動的,2秒到,跟住隻眼就好似好累咁

當天訓覺後第2日開始就出現飛蚊,耐唔耐就有一D黑點係眼前飛過,有時D黑點仲會打2個圈,當天就出現20-30次到

第3-4日黑點出現情況有減少,但係都要出現

第5日,突然有幾下眨眼見到好似閃電既閃光,立即睇左醫生,醫生話我視網膜冇穿,係我近視深,隻眼退化

跟住睇完醫生過左1星期到,E加既情況係一望個天就會望到D透明蟲咁既野,黑點就每日出現3-4次到

我E加近視係500度,100幾散光,右眼小時候曾經撞親過,撞到個櫃,飛蚊出現前我係日日都打機,夜晚放工10點半到家都會打機打到2-3點,訓前仲會唔開燈睇電話半個鐘-1個鐘

我E加好驚,日日都好傷心,想問既係

可唔可以檢查出我係咩成因出現飛蚊?

飛蚊出現左,無論係咩成因都好,佢都肯定唔會消失?

我咁年輕就眼退化,會唔會退到老就會出現好多眼既問題,又或者比其他人更早更容易出現眼既問題?

如果我E加做好護眼,食番多D對眼有益既野,可唔可以減慢個退化程度?又或者飛蚊會唔會消失?

如果我做激光矯視可唔可以減慢隻眼既退化?

有冇假性飛蚊E樣野?會唔會係我隻眼最近太累?休息番下又會冇事?

唔該醫生

謝國璣醫生回覆:
4/7/2018

飛蚊是由於眼內玻璃体液化過程出現一些雜質。飛蚊一般不會消失但短暫時間後大腦會淡化飛蚊影象，但在強光及淺色背景尤其是電腦熒光幕之光線之下經大腦淡化之飛蚊影象會再出現。閣下己經醫生檢查視網膜沒事便可安心。做激光矯視是不能減慢眼睛退化，提議作息定時不要太夜睡。

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。