[ 骨科 ] 向顧客銷售其他不同嘅醫療組合呢？

小兒曾經有兩次有頸椎問題，我帶他去睇吳醫生，吳醫生都可以即時為小兒治療，而且收費亦很合理；早幾日小兒又再次出現頸椎問題了，我本來已經約咗吳醫生，但要等一個月先有得睇，小兒呢兩日話條頸仍然好痛，因我擔心小兒有否嚴重咗，於是我上網search睇下有無好醫生睇呢？

結果我揀咗位元朗區嘅陳xx醫生，啱啱就帶咗小兒去光顧呢位陳醫生了，但呢位陳醫生卻令本人非常失望，亦令本人認識得到，何為黃綠醫生及黑店。

一入到治療室，陳醫生問了小兒兩句：做乜事？有乜唔舒服，然後按了小兒條頸兩下；隨即叫小兒照x-ray先，我問照x-ray嘅原因，佢答：睇下係咪習慣性頸椎移位，我問：就咁x-ray可以睇得出？不過佢無問我；但陳醫生隨即講第二個方法，如果唔照x-ray就食鬆筋丸啦，應該鬆咗啲筋就無事㗎喇！

我話小朋友食呢啲藥唔係咁好喎⋯⋯佢又講食份量少啲，應該無問題嘅；而陳醫生亦即時講出第三個方法，就係sell自己診所嘅物理治療姐姐喇，佢話做下物理治療都會好，只係冇咁快啫⋯⋯但如果真係照陳醫生講嘅話，其實小儀都只係少少瞓捩頸啫，係咪只要佢好似吳醫生咁，為小兒簡單治療，就已經可以令小兒痊愈呢？何必要為此而大費周章，要向顧客銷售其他不同嘅醫療組合呢？

所以我無接受到陳醫生任何建議，情願等回去睇吳醫生了。我覺得陳xx醫生實在係冇醫德，兼且拖症。到最後他還收我高昂的費用，平日佢醫生費，應該收$600左右，但今日全無治療就收我$800，我覺得佢實在係有濫收費用之嫌😡😡😡
所以在此提醒各位，要留意此位陳xx醫生