[ 眼科 ]
發起人:生眼瘡的人發表於3/30/2022 12:10:01 PM
第一次睇呢個垃圾醫生，見好多人話佢細心乜乜乜，點知伏過直昇機😖！我生瘡果日即約咗當日睇，約咗當日下就4點半，結果等左個半鐘都算，宜家疫情咁嚴重，診所又唔係大，入面10幾個人，位又冇得坐，企都唔知點企，有冇考慮過正視下問題？好喇，入正題，等左個半鐘，睇得3分鐘，就咁滴左一下「麻醉」眼藥水就用支針挑開，唧左兩下就話唧晒啲膿，就話搞掂叫我出去喇，多謝承惠$1960！過咗2日又再爆出黎，我轉左睇另一個醫生，先知原來眼瞼入面重有多粒瘡，真係多得佢唔少。醫生錢就識收，醫德就冇乜，唔好出嚟害人啦！
