[ 眼科 ] 姑娘態度不斷挑戰你既底線

早前於醫院做左通淚管手術,但眼睛不太舒服,經常有分泌物流出,於是網上睇評論搵到鄧醫生.
他話塞左淚管,需要通下,滴左幾滴麻醉藥之後吉左2下,然後話通唔到,叫我搵返做手術個醫生通.
跟住鄧醫生就叫我驗眼啊,照眼底啊,白內障啊..等等..我係咁話唔洗住.整好左淚管問題先.(心諗你連我依家既問題都仲未解決到),鄧醫生就頭也不回叫下一個啦.態度令人心寒.
有其醫生必有其姑娘,態度不斷挑戰你既底線,收錢前唔俾收費單,直接叫你俾錢,仲反問你睇張單做咩.一時都唔知點答佢.
到我找左數後,我問俾左啦,係咪走得,佢明明聽到,即刻扭轉面扮做其他野,而隔離姑娘都察覺到佢無禮貌,笑住回答我可以架啦,等陣拎埋藥水.仲有幾個少少小插曲,文筆唔好,唔寫啦..
總括今次經歷:醫生好似SALES,幫唔到我,浪費左幾千蚊.晒錢晒時間,姑娘態度有待改善.完