本人爸爸陳中傑於4月l6號夜晚入住聖保X醫院，l7號早上8:00AM做手術，l8號主診醫生提早將爸爸1:00PM由ICU轉普通病房， 18號晚上9:45-10:00PM 內出血，於l9號早上6：24AM離世，(即手術後48小時內離世)

我們一家人經朋友介紹下諗住幫爸爸到(聖X祿)私家醫院做(微創換心瓣手術)，以為搵到個心臟科權威顧問做爸爸嘅主診醫生(DR Cxxx , 鄒XX)幫爸爸做手術十拿九穩，就係呢位醫生自視過高和錯誤嘅決定，令到我們失去了爸爸！

手術之前主診醫生已經講好咗手術后兩日住ICU要插尿袋, 点知手術後只住了1日ICU主診醫生就話要將爸爸調返落普通病房，手術后未夠24個鈡就幫爸爸拆走咗個尿袋，轉去普通病房之後，沒有貼任何告示又冇通知不準落床，只放了一個尿壺再旁邊，搞到爸爸不知道自己應該在尿壺小便還是可自行去洗手間，在1：45PM, 當時爸爸個傷口已經好痛，就連普通護士都見爸爸個肚脹得不尋常，脹嗰一part仲要有血管凸起，當其時媽咪多次提醫生有關這件事，呢位主診醫生實在太過輕視這情況，只係響爸爸肚脹外邊撳兩下，仲要講咗幾次今日佢要五點就走，都唔肯行多步帶爸爸去照CT，我和媽媽陪同爸爸在普通病房直至7：35PM 離開, 之後由我弟弟接力陪伴爸爸至8：30PM離開。

結果於18號晚上lO:00PM，收到聖X祿醫院電話急call我返去睇爸爸，並告知爸爸個肚劇痛，血壓急劇下降，當其時本人由sogo急步回聖保X醫院，主診醫生亦致電畀我，問照CT要$158OO有冇問題，當時情況緊急當然我已應承，十幾分鐘后我回到醫院由罅隙入面見到爸爸面青口唇白嗌好痛，竟然負責照CT職員仲未到醫院，而主診醫生當時用手按爸爸傷口外邊告知我估計爸爸九成內出血，但佢都仲未識執生，當其時他不知所措，仲話唔確定爸爸邊個位置內出血， (其實他本人負責幫我爸爸做微創手術，都知道大髀只是兩個傷口) 但係佢當時束手無策，仲講咗兩次( 早知係咁，唔應該咁快由ICU調落嚟, 觀察多一日，就乜事都冇) 照ct嗰位職員接近成個鈡先返到醫院幫爸爸check內出血位置，之後先至再call血管科醫生返嚟(呢度又再等多十幾分鐘)，呢度冇咗個幾鐘頭黃金時間，爸爸內出血至休克等照ct職員和血管科醫生返嚟救人！

全個搶救過程，方寸大亂！主診醫生手術前同手術後說話不一，由於大髀大動脈內出血噴至肚內，個肚仲大個我懷孕7個月時期，但係就keep住輸血入爸爸個身體度，個肚嗰啲血又唔放返D出嚟，足足輸入咗成十三包血入爸爸體內，全個身體嘅血有入冇出，全身嘅血管包括下體性器官同個肚脹爆全身血管爆裂地離開我們！

我們辛辛苦苦籌錢畀佢哋幫爸爸做手術，点知而家畀佢哋搞到爸爸死得不明不白，要解剖之餘仲想要收多我地8X萬！經常催促我們返醫院找尾數！

就是因為這位主診醫生安排錯亂拆散了我們的家，我們的嫲嫲現在92歲，得知這件事之後，情緒非常激動，由早至晚以淚洗面，罷吃東西，罷吃藥，現在唯有跟他一起住的叔叔和嬸嬸24小時輪流和嫲嫲在一起，以免他做一些無可挽回的事情！

我們真的不希望再有任何醫療事故和爸爸的悲劇再發生，希望傳媒可以反映給大眾社會和政府密切留意現今社會的醫療事故問題！

如需要更多有關這個醫療失誤的詳細資料，可隨時以電郵聯絡我

謝謝你的關注！

回應Christie Chan