[ 骨科 ] 收費當然唔平 性價比真係有點低

話說本人近期受頸痛及頭痛困擾, 經上網搜尋見到葉紹亮醫生的評價不錯, 就預約去見他.

以下係會診過程:
我準時在預約時間到達診療中心, 等了20分鐘左右後見到醫生, 我講左大約病徵後 (關於頸痛頭痛), 醫生在完全沒有檢查下叫我去隔離房照左兩張X-RAY. 過左一陣我再見醫生, 醫生只係話我頸骨c5/c6段軟骨退化, 無得攪, 唔會好番, 只可食止痛藥及做物理治療去舒緩. 之後上GOOGLE搵左幾張圖話呢個位呢個位會受c5/c6影響.

當時心情很壞, 心諗唔通之後30-40年要靠食止痛藥去過餘生. 我再問醫生物理治療大約會點做. 醫生話物理治療係專科, 叫我自己去問物理治療科醫生.

個人感想:
首先, 葉醫生在完全沒有替我檢查頸部肌肉情況下, 就排除肌肉問題的可能性, 雖然c5/c6可能會係引起頸痛頭痛的原因之一, 但我覺得專科醫生應該會比普通科專業一點. 事後上網睇番, 骨科醫生不檢查肌肉情況下診斷比較不常見! 另外醫生可能比較趕時間, 整個會診過程不到5分鐘, 雖然時間長亦唔代表有質素, 但感覺上十分後求其. 另外當醫生話無得醫, 醫生亦沒有去關心了解病人既情況及擔憂. 最後收費當然唔平, 但我預左既, 不過性價比真係有點低.

我相信又要花千數元去睇另一個醫生去尋求更專業意見, 正如上網睇食評, 評價好既食評當然可以參考, 但評價差既亦有更好既參考價值.