註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
睇醫生時，準時到達，但仍要等1個鐘，其間醫生並沒有其他病人，不明白為何要人白等。到診症時敷衍求其，只係叫我兒子隨便張口望兩秒便完事，話睇到轉介信寫咩就係咩，完全無心查看，睇症不足5分鐘就完結。

該醫務所的職員也欠缺責任心，委托他們安排入院做手術，整整一個月也不回覆，已中途查詢了幾趟也是不了了之，好似唔憂做咁，真的很差勁👎🏻
簡評:
個人觀感- 有欠詳盡、耽誤病情
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
我的耳石症狀不是嚴重問題，但因半年復發三次，加上發現頸部有腫脹，擔心屬於嚴重問題，就趕忙預約專科檢查 (需要普通科轉介信)。

見了鄧醫生，他主動並專心了解我半年來的症狀，好快掌握病情並進行檢查。而且耐心聆聽我的擔心，詳細講解病因和應對方法，釋出病人疑慮。

更加欣賞的是，鄧醫生坦白表示我的病不需要食藥，只要配合教導的復位動作。不像曾經遇過的醫生，不理實際需要都配藥賺藥費。是醫德好好的醫生 :) 沒其他方法向鄧醫生表達謝意，只在這讓大家了解我的良好看診經驗
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 優質醫療服務理應如此

經歷詳述:
上周因為頭暈入急症 在政府醫院留醫了一天 吃止暈止嘔藥未見好轉 朋友介紹到鄧醫生診所去 由於本人年紀大了 病情比較重
治療期間有嘔吐 亦需要覆診 首次治療加吃藥后 頭暈情況已有明顯改善 鄧醫生具備專業知識 耐心聆聽和友善的態度 名符其實仁心仁術

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 不可多得，值得等待

經歷詳述:
本身見好多高評分所以預約黎睇
我同另外一個評價一樣 都係因為耳鳴去睇
同另一位評價所講既一樣 醫生都係照一照就問我鼻既問題 又話需要照鼻咽內窺鏡
我問佢會唔會係耳垢問題 但佢話耳垢係會自己趺落黎唔需要清潔
所以最後乜treatment都無就收左我過千蚊既診金
成個過程只有兩三分鐘 而我到最後亦需要搵第2位醫生去解決呢個問題



簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
診金：$1100
鼻咽內窺鏡檢查：$3000（網上一般收費範圍為$1500至$2000）
聽力測試（PTA+IA）：$900

收費特別貴。鼻咽內窺鏡喺網上搵到嘅收費一般由1500到2000。另外，醫生沒有主動告知病人檢查項目的收費，反而有誘導我去進行鼻咽內窺鏡檢查的嫌疑。我出現的是耳鳴症狀，醫生有問我關於鼻腔的情況，我指出沒有鼻塞，只是沒有非常暢順，我也沒有說任何其他關於鼻腔不舒服的症狀。醫生告知「可以」去做個內窺檢查，指一兩分鐘就做完，全程亦沒有提及過我需要還是不需要做這個檢查。檢查的工具離座位只有兩到三米遠，我當時無意識到屬於額外收費項目，以為是正常的檢查流程，所以一條龍咁進行咗檢查。而檢查後鼻咽亦沒有發現什麼異常。

最後花咗$5000，仲需要進行下一步嘅檢查同覆診，覆診需要再收費。
總結嚟講，成個流程就係俾人好有禮貌，好細心地被「劏水魚」，尚未進行下一步檢查，但而家俾咗咁多錢得個「吉」

簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧

註冊專科分類

睇醫生網 Seedoctor