經歷詳述:
陳醫生代診，火很大。
本身已經係頭暈頭痛嘅我滿懷住一心求醫嘅心情去睇醫生，本應以為同一醫務所醫生應冇乜唔同。誰不知睇醫生都可以挑起我的怒火。
本人於2017年8月3日到梅建棟醫務所求診，呼叫我入內時醫生態度親切（惡夢開始啦）我頭暈頭痛的走進房間，告知我的病況，我只係講咗句：我喉嚨呢個位好痛，個口咬合得唔順利，“唔知係唔係個牙骹鬆咗呢?”。
跟住呢位陳醫生就捉住我隻手叫我摸吓耳仔較前方位置
陳醫生:呢度先係牙骹。你痛嗰度唔係牙骹係淋巴位有事。
接著陳醫生就用佢嗰手書法畫個圖解釋我聽，但係我當時個頭真係好痛完全冇心想“聽書”。
我就講:原來係咁牙，仲以為甩骹tim（想close咗佢嘅教學）
陳醫生：你聽我講先，你嚟睇我應該聽我講，唔好斷我講嘢。
即時心諗：大佬呀我嚟睇醫生係解決我嘅痛苦，唔係聽你演講增加我嘅痛苦。
跟住呢位陳醫生就唔理我感受佢有佢講，我有我痛。到佢終於講完，我就點頭點頭，誰不知仲問我明唔明，……叫我點答呀。即時扯曬火
我：我嚟睇醫生係解決我痛苦，唔係聽你教書呀
跟住我就怒氣沖沖咁走出房間離開醫務所。

此醫務所梅醫生醫術高明，一直睇佢1，2日就病好
但係呢位“陳醫生”如果閣下係需要睇醫生加上想補一下生理課嘅話，此人必定推介。
簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 可能人夾人緣自己衡量